जब ज़रा नग़्मों से बुलबुल गुल-फ़िशाँ हो जाएगा
टोकरी फूलों की सारा आशियाँ हो जाएगा
जब उठेगा जोश-ए-मय बन जाएगा वो आफ़्ताब
जब उड़ेगा ख़ुम का सर-पोश आसमाँ हो जाएगा
जिस्म-ओ-जाँ का फ़ैसला सारा उसी के हाथ है
पाँव तेरी तेग़ का ख़ुद दरमियाँ हो जाएगा
मोजिज़-ए-शक़्क़ुल-क़मर दिखलाएगी अंगुश्त-ए-हुस्न
चाँद तेरे परतवे से ख़ुद कताँ हो जाएगा
रिंद हाँ अम्मामा-ए-ज़ाहिद पे हूँ हथ-फेरीयाँ
कश्ती-ए-मय का इक अच्छा बादबाँ हो जाएगा
सर पे छन छन कर बलाएँ आएँगी ख़ामोश 'क़द्र'
आह ख़ींचोगे तो छलनी आसमाँ हो जाएगा
jab zarā naġhmoñ se bulbul gul-fishāñ ho jā.egā
Tokarī phūloñ kī saarā āshiyāñ ho jā.egā
jab uThegā josh-e-mai ban jā.egā vo āftāb
jab uḌegā ḳhum kā sar-posh āsmāñ ho jā.egā
jism-o-jāñ kā faisla saarā usī ke haath hai
paañv terī teġh kā ḳhud darmiyāñ ho jā.egā
mo.ajiz-e-shaqqul-qamar dikhlā.egī angusht-e-husn
chāñd tere partave se ḳhud katāñ ho jā.egā
rind haañ ammāma-e-zāhid pe huuñ hath-pheriyāñ
kashtī-e-mai kā ik achchhā bādbāñ ho jā.egā
sar pe chhan chhan kar balā.eñ ā.eñgī ḳhāmosh 'qadr'
aah khīñchoge to chhalnī āsmāñ ho jā.egā
جب ذرا نغموں سے بلبل گل فشاں ہو جائے گا
ٹوکری پھولوں کی سارا آشیاں ہو جائے گا
جب اٹھے گا جوش مے بن جائے گا وہ آفتاب
جب اڑے گا خم کا سرپوش آسماں ہو جائے گا
جسم و جاں کا فیصلہ سارا اسی کے ہاتھ ہے
پاؤں تیری تیغ کا خود درمیاں ہو جائے گا
معجز شق القمر دکھلائے گی انگشت حسن
چاند تیرے پرتوے سے خود کتاں ہو جائے گا
رند ہاں عمامۂ زاہد پہ ہوں ہتھ پھیریاں
کشتیٔ مے کا اک اچھا بادباں ہو جائے گا
سر پہ چھن چھن کر بلائیں آئیں گی خاموش قدرؔ
آہ کھینچو گے تو چھلنی آسماں ہو جائے گا