इस ग़म की धूप में मुझे पुरवाइयाँ न दो
जलने दो अपनी ज़ुल्फ़ की परछाइयाँ न दो
लर्ज़ां हैं दो-जहान क़यामत बपा न हो
अपने शु'ऊर-ए-हुस्न को अंगड़ाइयाँ न दो
आ जाओ कब से ख़ल्क़ तरसती है दीद को
पर्दे में अपने आप को तन्हाइयाँ न दो
हो जाए जिस में ग़र्क़ मिरी कश्ती-ए-उमीद
वो बहर-ए-इज़्तिराब की गहराइयाँ न दो
होती हैं कारगर कहीं झूटी तसल्लियाँ
ऐ चारासाज़ो दिल को शकेबाइयाँ न दो
रोज़-ए-अज़ल से है दिल-ए-वहशी जुनूँ-पसंद
मजनूँ को ज़ौक़-ए-अंजुमन-आराईयाँ न दो
'आफ़त' उठा लूँ हाथ न उस ज़ीस्त से कहीं
मेरे जुनून-ए-'इश्क़ को रुस्वाइयाँ न दो
is ġham kī dhuup meñ mujhe purvā.iyāñ na do
jalne do apnī zulf kī parchhā.iyāñ na do
larzāñ haiñ do-jahān qayāmat bapā na ho
apne shu'ūr-e-husn ko añgḌā.iyāñ na do
aa jaao kab se ḳhalq tarastī hai diid ko
parde meñ apne aap ko tanhā.iyāñ na do
ho jaa.e jis meñ ġharq mirī kashtī-e-umīd
vo bahr-e-iztirāb kī gahrā.iyāñ na do
hotī haiñ kārgar kahīñ jhūTī tasalliyāñ
ai chārasāzo dil ko shakebā.iyāñ na do
roz-e-azal se hai dil-e-vahshī junūñ-pasand
majnūñ ko zauq-e-anjuman-ārā.iyāñ na do
'āfat' uThā luuñ haath na us ziist se kahīñ
mere junūn-e-'ishq ko rusvā.iyāñ na do
اس غم کی دھوپ میں مجھے پروائیاں نہ دو
جلنے دو اپنی زلف کی پرچھائیاں نہ دو
لرزاں ہیں دو جہان قیامت بپا نہ ہو
اپنے شعور حسن کو انگڑائیاں نہ دو
آ جاؤ کب سے خلق ترستی ہے دید کو
پردے میں اپنے آپ کو تنہائیاں نہ دو
ہو جائے جس میں غرق مری کشتئ امید
وہ بحر اضطراب کی گہرائیاں نہ دو
ہوتی ہیں کارگر کہیں جھوٹی تسلیاں
اے چارہ سازو دل کو شکیبائیاں نہ دو
روز ازل سے ہے دل وحشی جنوں پسند
مجنوں کو ذوق انجمن آرائیاں نہ دو
آفتؔ اٹھا لوں ہاتھ نہ اس زیست سے کہیں
میرے جنون عشق کو رسوائیاں نہ دو