इक तिलिस्म-ए-अजब-नुमा हूँ मैं
क्या बताऊँ तुम्हें कि क्या हूँ मैं
है ज़वाल अपना इक निशान-ए-कमाल
बदो की तरह घट गया हूँ मैं
क्या निशाँ पूछते हो तुम मेरा
रह-ए-गुम-गश्ता का पता हूँ मैं
है ये हैरत कि हूँ तजस्सुम-ए-दर्द
और हर दर्द की दवा हूँ मैं
मेरी शोहरत है मेरी गुमनामी
क़ुव्वत-ए-बाज़ू-ए-हुमा हूँ मैं
रह-ए-उल्फ़त में नक़्श-ए-पा की तरह
ख़ाक हो हो के मिट गया हूँ मैं
साग़र-ए-इश्क़ कर गया बे-ख़ुद
होश किस को नहीं हूँ या हूँ मैं
ख़ाक समझो तुम आबरू मेरी
दर्द-ए-ए'ज़ाज़ की बहा हूँ मैं
दम ग़नीमत है सालिको मेरा
जरस-ए-दौर की सदा हूँ मैं
हूँ सुराही में बादा-ए-अहमर
और मय-ए-सुर्ख़ में नशा हूँ मैं
जिस तरह से कँवल हो पानी में
हो के दुनिया में फिर जुदा हूँ मैं
ख़ाकसारी है मेरी जौहर-ए-ज़ात
ख़ाक में मिस्ल-ए-कीमिया हूँ मैं
दुर दुरज-ए-वफ़ा की आब हूँ मैं
दिल के आईने की सफ़ा हूँ मैं
आज है मेरी धाक 'आलम में
रू-शनास-ए-शह-ओ-गदा हूँ मैं
धूम है फ़न्न-ए-शेर में मेरी
क़मर-ए-इल्म की ज़िया हूँ मैं
लिखूँ गर दास्तान-ए-रंज-ओ-अलम
दिल-ए-ब-शिकस्ता की सदा हूँ मैं
गर करूँ ज़िक्र-ए-साज़-ए-ऐश-ओ-तरब
तूती-ए-ख़ुल्द की नवा हूँ मैं
गर मैं लिक्खूँ बयान-ए-अर्सा-ए-रज़्म
नावक-ए-तरकश-ए-क़ज़ा हूँ मैं
एक इस नज़्म पर है क्या मौक़ूफ़
नूर शम-ए-उलूम का हूँ मैं
क़द्र है मेरी क़दर-ए-इल्म-ओ-हुनर
क्या ज़माने में दूसरा हूँ मैं
हूँ तो सब कुछ पे कुछ नहीं 'कैफ़ी'
सूरत-ए-मौजा-ए-फ़ना हूँ मैं
ik tilism-e-ajab-numā huuñ maiñ
kyā batā.ūñ tumheñ ki kyā huuñ maiñ
hai zavāl apnā ik nishān-e-kamāl
bado kī tarah ghaT gayā huuñ maiñ
kyā nishāñ pūchhte ho tum merā
rah-e-gum-gashta kā patā huuñ maiñ
hai ye hairat ki huuñ tajassum-e-dard
aur har dard kī davā huuñ maiñ
merī shohrat hai merī gumnāmī
quvvat-e-bāzū-e-humā huuñ maiñ
rah-e-ulfat meñ naqsh-e-pā kī tarah
ḳhaak ho ho ke miT gayā huuñ maiñ
sāġhar-e-ishq kar gayā be-ḳhud
hosh kis ko nahīñ huuñ yā huuñ maiñ
ḳhaak samjho tum aabrū merī
dard-e-e.azāz kī bahā huuñ maiñ
dam ġhanīmat hai sāliko merā
jaras-e-daur kī sadā huuñ maiñ
huuñ surāhī meñ bāda-e-ahmar
aur mai-e-surḳh meñ nasha huuñ maiñ
jis tarah se kañval ho paanī meñ
ho ke duniyā meñ phir judā huuñ maiñ
ḳhāksārī hai merī jauhar-e-zāt
ḳhaak meñ misl-e-kīmiyā huuñ maiñ
dur durj-e-vafā kī aab huuñ maiñ
dil ke ā.īne kī safā huuñ maiñ
aaj hai merī dhaak 'ālam meñ
rū-shanās-e-shah-o-gadā huuñ maiñ
dhuum hai fann-e-sher meñ merī
qamar-e-ilm kī ziyā huuñ maiñ
likhūñ gar dāstān-e-ranj-o-alam
dil-e-ba-shikasta kī sadā huuñ maiñ
gar karūñ zikr-e-sāz-e-aish-o-tarab
tūtī-e-ḳhuld kī navā huuñ maiñ
gar maiñ likkhūñ bayān-e-arsa-e-razm
nāvak-e-tarkash-e-qazā huuñ maiñ
ek is nazm par hai kyā mauqūf
nuur sham-e-ulūm kā huuñ maiñ
qadr hai merī qadr-e-ilm-o-hunar
kyā zamāne meñ dūsrā huuñ maiñ
huuñ to sab kuchh pe kuchh nahīñ 'kaifī'
sūrat-e-mauja-e-fanā huuñ maiñ
اک طلسم عجب نما ہوں میں
کیا بتاؤں تمہیں کہ کیا ہوں میں
ہے زوال اپنا اک نشان کمال
بدو کی طرح گھٹ گیا ہوں میں
کیا نشاں پوچھتے ہو تم میرا
رہ گم گشتہ کا پتا ہوں میں
ہے یہ حیرت کہ ہوں تجسم درد
اور ہر درد کی دوا ہوں میں
میری شہرت ہے میری گمنامی
قوت بازوئے ہما ہوں میں
رہ الفت میں نقش پا کی طرح
خاک ہو ہو کے مٹ گیا ہوں میں
ساغر عشق کر گیا بے خود
ہوش کس کو نہیں ہوں یا ہوں میں
خاک سمجھو تم آبرو میری
درد اعزاز کی بہا ہوں میں
دم غنیمت ہے سالکو میرا
جرس دور کی صدا ہوں میں
ہوں صراحی میں بادۂ احمر
اور مے سرخ میں نشہ ہوں میں
جس طرح سے کنول ہو پانی میں
ہو کے دنیا میں پھر جدا ہوں میں
خاکساری ہے میری جوہر ذات
خاک میں مثل کیمیا ہوں میں
در درج وفا کی آب ہوں میں
دل کے آئینے کی صفا ہوں میں
آج ہے میری دھاک عالم میں
روشناس شہ و گدا ہوں میں
دھوم ہے فن شعر میں میری
قمر علم کی ضیا ہوں میں
لکھوں گر داستان رنج و الم
دل بشکستہ کی صدا ہوں میں
گر کروں ذکر ساز عیش و طرب
طوطئ خلد کی نوا ہوں میں
گر میں لکھوں بیان عرصہ رزم
ناوک ترکش قضا ہوں میں
ایک اس نظم پر ہے کیا موقوف
نور شمع علوم کا ہوں میں
قدر ہے میری قدر علم و ہنر
کیا زمانے میں دوسرا ہوں میں
ہوں تو سب کچھ پہ کچھ نہیں کیفیؔ
صورت موجۂ فنا ہوں میں