इक परिंदा सर-ए-दीवार भी बाक़ी न रहा
अब तो पर्वाज़ का दीदार भी बाक़ी न रहा
हब्स ऐसा था कि साए में सुलग उट्ठे गुलाब
लू चली ऐसी कि गुलज़ार भी बाक़ी न रहा
लोग दम साध गए ख़ौफ़ ने घेरा ऐसे
कोई अंदेशा-ए-बे-कार भी बाक़ी न रहा
हादिसा क्या हुआ बिखरे हुए सन्नाटे में
लफ़्ज़ से रिश्ता-ए-इज़हार भी बाक़ी न रहा
एक वहशत ही मताअ-ए-ग़म-ए-जानाँ निकली
लुत्फ़-ए-दिलदारी-ए-ग़म-ख़्वार भी बाक़ी न रहा
जाँ सिसकती रही ख़्वाहिश के बयाबानों में
शौक़-ए-हर-लहज़ा का आज़ार भी बाक़ी न रहा
दिल भी यादों की कड़ी धूप में कुम्हला सा गया
और कोई साया-ए-दीवार भी बाक़ी न रहा
ऐसी वीरानी है ख़ुद मौत भी कतरा के चली
कोई मरने का सज़ा-वार भी बाक़ी न रहा
ik parinda sar-e-dīvār bhī baaqī na rahā
ab to parvāz kā dīdār bhī baaqī na rahā
habs aisā thā ki saa.e meñ sulag uTThe gulāb
lū chalī aisī ki gulzār bhī baaqī na rahā
log dam saadh ga.e ḳhauf ne gherā aise
koī andesha-e-be-kār bhī baaqī na rahā
hādisa kyā huā bikhre hue sannāTe meñ
lafz se rishta-e-iz.hār bhī baaqī na rahā
ek vahshat hī matā.a-e-ġham-e-jānāñ niklī
lutf-e-dildārī-e-ġham-ḳhvār bhī baaqī na rahā
jaañ sisaktī rahī ḳhvāhish ke bayābānoñ meñ
shauq-e-har-lahza kā āzār bhī baaqī na rahā
dil bhī yādoñ kī kaḌī dhuup meñ kumhlā sā gayā
aur koī sāya-e-dīvār bhī baaqī na rahā
aisī vīrānī hai ḳhud maut bhī katrā ke chalī
koī marne kā sazā-vār bhī baaqī na rahā
اک پرندہ سر دیوار بھی باقی نہ رہا
اب تو پرواز کا دیدار بھی باقی نہ رہا
حبس ایسا تھا کہ سائے میں سلگ اٹھے گلاب
لو چلی ایسی کہ گلزار بھی باقی نہ رہا
لوگ دم سادھ گئے خوف نے گھیرا ایسے
کوئی اندیشۂ بے کار بھی باقی نہ رہا
حادثہ کیا ہوا بکھرے ہوئے سناٹے میں
لفظ سے رشتۂ اظہار بھی باقی نہ رہا
ایک وحشت ہی متاع غم جاناں نکلی
لطف دل دارئی غم خوار بھی باقی نہ رہا
جاں سسکتی رہی خواہش کے بیابانوں میں
شوق ہر لحظہ کا آزار بھی باقی نہ رہا
دل بھی یادوں کی کڑی دھوپ میں کمھلا سا گیا
اور کوئی سایۂ دیوار بھی باقی نہ رہا
ایسی ویرانی ہے خود موت بھی کترا کے چلی
کوئی مرنے کا سزاوار بھی باقی نہ رہا