इक ख़्वाब का ख़याल है दुनिया कहें जिसे
है इस में इक तिलिस्म तमन्ना कहें जिसे
इक शक्ल है तफ़न्नुन-ए-तब'-ए-जमाल की
इस से ज़ियादा कुछ नहीं दुनिया कहें जिसे
ख़म्याज़ा है करिश्मा-परस्ती-ए-दहर का
अहल-ए-ज़माना आलम-ए-उक़्बा कहें जिसे
इक अश्क अर्मीदा-ए-ज़ब्त-ए-ग़म-ए-फ़िराक़
मौज-ए-हवा-ए-शौक़ है दरिया कहें जिसे
बा-वस्फ़-ए-ज़ब्त-ए-राज़ मोहब्बत है आश्कार
उक़्दा है दिल का अक़्द-ए-सुरय्या कहें जिसे
बरहम-ज़न-ए-हिजाब है ख़ुद-रफ़्तगी-ए-हुस्न
इक शान-ए-बे-ख़ुदी है ज़ुलेख़ा कहें जिसे
अक्स-ए-सफ़ा-ए-क़ल्ब का जौहर है आईना
वारफ़्ता-ए-जमाल ख़ुद-आरा कहें जिसे
रम-शेवा है सनम तो है रम-आश्ना ये दिल
हासिल है मुझ को ऐश मुहय्या कहें जिसे
ख़ूनी कफ़न ये सैंत के रक्खा है किस लिए
क़ातिल वो है कि रश्क-ए-मसीहा कहें जिसे
सब कुछ है और कुछ भी नहीं दहर का वजूद
'कैफ़ी' ये बात वो है मुअम्मा कहें जिसे
ik ḳhvāb kā ḳhayāl hai duniyā kaheñ jise
hai is meñ ik tilism tamannā kaheñ jise
ik shakl hai tafannun-e-tab'-e-jamāl kī
is se ziyāda kuchh nahīñ duniyā kaheñ jise
ḳhamyāza hai karishma-parasti-e-dahr kā
ahl-e-zamāna ālam-e-uqbā kaheñ jise
ik ashk ārmīda-e-zabt-e-ġham-e-firāq
mauj-e-havā-e-shauq hai dariyā kaheñ jise
bā-vasf-e-zabt-e-rāz mohabbat hai āshkār
uqda hai dil kā aqd-e-surayyā kaheñ jise
barham-zan-e-hijāb hai ḳhud-raftagī-e-husn
ik shān-e-be-ḳhudī hai zuleḳhā kaheñ jise
aks-e-safā-e-qalb kā jauhar hai ā.īna
vārafta-e-jamāl ḳhud-ārā kaheñ jise
ram-sheva hai sanam to hai ram-āshnā ye dil
hāsil hai mujh ko aish muhayyā kaheñ jise
ḳhūnī kafan ye saiñt ke rakkhā hai kis liye
qātil vo hai ki rashk-e-masīhā kaheñ jise
sab kuchh hai aur kuchh bhī nahīñ dahr kā vajūd
'kaifī' ye baat vo hai muammā kaheñ jise
اک خواب کا خیال ہے دنیا کہیں جسے
ہے اس میں اک طلسم تمنا کہیں جسے
اک شکل ہے تفنن طبع جمال کی
اس سے زیادہ کچھ نہیں دنیا کہیں جسے
خمیازہ ہے کرشمہ پرستئ دہر کا
اہل زمانہ عالم عقبیٰ کہیں جسے
اک اشک آرمیدۂ ضبط غم فراق
موج ہوائے شوق ہے دریا کہیں جسے
باوصف ضبط راز محبت ہے آشکار
عقدہ ہے دل کا عقد ثریا کہیں جسے
برہم زن حجاب ہے خود رفتگیٔ حسن
اک شان بے خودی ہے زلیخا کہیں جسے
عکس صفائے قلب کا جوہر ہے آئینہ
وارفتۂ جمال خود آرا کہیں جسے
رم شیوہ ہے صنم تو ہے رم آشنا یہ دل
حاصل ہے مجھ کو عیش مہیا کہیں جسے
خونی کفن یہ سینت کے رکھا ہے کس لیے
قاتل وہ ہے کہ رشک مسیحا کہیں جسے
سب کچھ ہے اور کچھ بھی نہیں دہر کا وجود
کیفیؔ یہ بات وہ ہے معما کہیں جسے