इदराक ही मुहाल है ख़्वाब-ओ-ख़याल का
दिल के वरक़ पे 'अक्स है उस के जमाल का
रोती नहीं हूँ मैं कभी दुनिया के सामने
रखती हूँ हौसला मैं निहायत कमाल का
हैं मरहले 'अजीब ये ईश्क़-ओ-ख़िरद के भी
लम्हों में कर रही हूँ सफ़र माह-ओ-साल का
दरवेश है कोई तो क़लंदर वली कोई
बंदों ने पाया 'इश्क़ में रुत्बा कमाल का
इतने सुकूँ से मैं ने किया 'इश्क़ का सफ़र
आया नहीं गुमान किसी एहतिमाल का
कैसा 'अजीब दौर है मौजूदा दौर भी
मफ़्हूम कोई समझे न दिल के सवाल का
दम घुट रहा हो जब मिरा अपने वजूद में
क्या ख़ाक तज़्किरा हो फ़िराक़-ओ-विसाल का
करती नहीं 'सबीला' गिला मैं ये सोच कर
साथी नहीं यहाँ कोई रंज-ओ-मलाल का
idrāk hī muhāl hai ḳhvāb-o-ḳhayāl kā
dil ke varaq pe 'aks hai us ke jamāl kā
rotī nahīñ huuñ maiñ kabhī duniyā ke sāmne
rakhtī huuñ hausla maiñ nihāyat kamāl kā
haiñ marhale 'ajīb ye ishq-o-ḳhirad ke bhī
lamhoñ meñ kar rahī huuñ safar māh-o-sāl kā
darvesh hai koī to qalandar valī koī
bandoñ ne paayā 'ishq meñ rutba kamāl kā
itne sukūñ se maiñ ne kiyā 'ishq kā safar
aayā nahīñ gumān kisī ehtimāl kā
kaisā 'ajīb daur hai maujūda daur bhī
mafhūm koī samjhe na dil ke savāl kā
dam ghuT rahā ho jab mirā apne vajūd meñ
kyā ḳhaak tazkira ho firāq-o-visāl kā
kartī nahīñ 'sabīla' gila maiñ ye soch kar
sāthī nahīñ yahāñ koī ranj-o-malāl kā
ادراک ہی محال ہے خواب و خیال کا
دل کے ورق پہ عکس ہے اس کے جمال کا
روتی نہیں ہوں میں کبھی دنیا کے سامنے
رکھتی ہوں حوصلہ میں نہایت کمال کا
ہیں مرحلے عجیب یہ عشق و خرد کے بھی
لمحوں میں کر رہی ہوں سفر ماہ و سال کا
درویش ہے کوئی تو قلندر ولی کوئی
بندوں نے پایا عشق میں رتبہ کمال کا
اتنے سکوں سے میں نے کیا عشق کا سفر
آیا نہیں گمان کسی احتمال کا
کیسا عجیب دور ہے موجودہ دور بھی
مفہوم کوئی سمجھے نہ دل کے سوال کا
دم گھٹ رہا ہو جب مرا اپنے وجود میں
کیا خاک تذکرہ ہو فراق و وصال کا
کرتی نہیں سبیلہؔ گلہ میں یہ سوچ کر
ساتھی نہیں یہاں کوئی رنج و ملال کا