हुस्न-ए-शिआ'र में मुझे ढलने नहीं दिया
उस ने किसी भी गाम सँभलने नहीं दिया
हाइल रह-ए-हयात में हस्सासीयत रही
इस दिल ने दो क़दम मुझे चलने नहीं दिया
रक्खा ब-सद ख़ुलूस रग-ओ-पै में मुस्तक़िल
लम्हा कोई भी दर्द का टलने नहीं दिया
कुछ वो भी चाहता था यहाँ मुस्तक़िल क़याम
मैं ने भी उस को दिल से निकलने नहीं दिया
महफ़िल को जो दिया तिरे अंदाज़-ए-दाद ने
ऐसा मज़ा तो मेरी ग़ज़ल ने नहीं दिया
इक बार ए'तिराफ़-ए-मोहब्बत पे उम्र भर
हम ने उसे बयान बदलने नहीं दिया
दरिया हज़ार दिल में बिफरते रहे मगर
आँखों में कोई अश्क मचलने नहीं दिया
'ताहिर-अदीम' अपना दिया क्या जलाएगा
जिस ने मिरा चराग़ भी जलने नहीं दिया
husn-e-shi.ār meñ mujhe Dhalne nahīñ diyā
us ne kisī bhī gaam sañbhalne nahīñ diyā
haa.il rah-e-hayāt meñ hassāsiyat rahī
is dil ne do qadam mujhe chalne nahīñ diyā
rakkhā ba-sad ḳhulūs rag-o-pai meñ mustaqil
lamha koī bhī dard kā Talne nahīñ diyā
kuchh vo bhī chāhtā thā yahāñ mustaqil qayām
maiñ ne bhī us ko dil se nikalne nahīñ diyā
mahfil ko jo diyā tire andāz-e-dād ne
aisā maza to merī ġhazal ne nahīñ diyā
ik baar e'tirāf-e-mohabbat pe umr bhar
ham ne use bayān badalne nahīñ diyā
dariyā hazār dil meñ bipharte rahe magar
āñkhoñ meñ koī ashk machalne nahīñ diyā
'tāhir-adīm' apnā diyā kyā jalā.egā
jis ne mirā charāġh bhī jalne nahīñ diyā
حسن شعار میں مجھے ڈھلنے نہیں دیا
اس نے کسی بھی گام سنبھلنے نہیں دیا
حائل رہ حیات میں حساسیت رہی
اس دل نے دو قدم مجھے چلنے نہیں دیا
رکھا بصد خلوص رگ و پے میں مستقل
لمحہ کوئی بھی درد کا ٹلنے نہیں دیا
کچھ وہ بھی چاہتا تھا یہاں مستقل قیام
میں نے بھی اس کو دل سے نکلنے نہیں دیا
محفل کو جو دیا ترے انداز داد نے
ایسا مزہ تو میری غزل نے نہیں دیا
اک بار اعتراف محبت پہ عمر بھر
ہم نے اسے بیان بدلنے نہیں دیا
دریا ہزار دل میں بپھرتے رہے مگر
آنکھوں میں کوئی اشک مچلنے نہیں دیا
طاہر عدیمؔ اپنا دیا کیا جلائے گا
جس نے مرا چراغ بھی جلنے نہیں دیا