हुस्न-ए-अज़ल का जल्वा हमारी नज़र में है
जो तूर पर हुआ था दिल-ए-दीदा-वर में है
दैर ओ हरम में किस लिए आवारा-गर्दियाँ
जिस की तुझे तलाश है वो दिल के घर में है
जो देखने की आँख है तुझ को नहीं मिली
वो नूर क़द में वर्ना शजर में हजर में है
ख़ामोशियों में महफ़िल-ए-अंजुम की उस को देख
हँगामा-मस्त क्यूँ तू नुमूद-ए-सहर में है
देखा है और फिर नहीं आया नज़र तुझे
वो हुस्न वो जलाल जो शम्स ओ क़मर में है
उस को नतीजे इल्लत-ए-ग़ाई की इस को धुन
फ़र्क़ इस क़दर ही बे-ख़बर ओ बा-ख़बर में है
ढूँडा है जिस ने उस ने ही पाया सुना नहीं
लिक्खा हुआ ये हुक्म क़ज़ा-ओ-क़दर में है
हाँ हाँ ख़ुदा ख़ुदा ही है और है बशर बशर
इस उक़्दे का जो हल है वो क़ल्ब-ए-बशर में है
वो भी तो हैं नज़ारा-ए-कुल जुज़ में है जिन्हें
पोशीदा राज़-ए-दीद तो हुस्न-ए-नज़र में है
है इश्क़ जुज़्व-ए-ला-यत-जज़्ज़ा यक़ीन जान
ये क़ीमत-ए-मजाज़-ओ-हक़ीक़त ख़तर में है
क्या शौक़-ए-दीद तुझ पे तो ग़ालिब है लुत्फ़-ए-दीद
जो बात तेरे दिल में है अपनी नज़र में है
निकले न फँस के गेसू-ए-पुर-पेच-ओ-ख़म से दिल
साहिल पे ख़ाक पहुँचे जो कश्ती भँवर में है
उल्फ़त है किस की कैसी मोहब्बत कहाँ का इश्क़
मादूम तू तो फ़िक्र-ए-दहान-ओ-कमर में है
नाक़िस थी इब्तिदा तो है अंजाम-ए-इश्क़ भी
बे-रब्ती मुब्तदा में जो थी वो ख़बर में है
'कैफ़ी' मसीह-ए-शेर हैं अहबाब और भी
इक तुझ से जान-ए-ताज़ा नहीं इस ढचर में है
husn-e-azal kā jalva hamārī nazar meñ hai
jo tuur par huā thā dil-e-dīda-var meñ hai
dair o haram meñ kis liye āvāra-gardiyāñ
jis kī tujhe talāsh hai vo dil ke ghar meñ hai
jo dekhne kī aañkh hai tujh ko nahīñ milī
vo nuur qad meñ varna shajar meñ hajar meñ hai
ḳhāmoshiyoñ meñ mahfil-e-anjum kī us ko dekh
hañgāma-mast kyuuñ tū numūd-e-sahar meñ hai
dekhā hai aur phir nahīñ aayā nazar tujhe
vo husn vo jalāl jo shams o qamar meñ hai
us ko natīje illat-e-ġhā.ī kī is ko dhun
farq is qadar hī be-ḳhabar o bā-ḳhabar meñ hai
DhūñDā hai jis ne us ne hī paayā sunā nahīñ
likkhā huā ye hukm qazā-o-qadar meñ hai
haañ haañ ḳhudā ḳhudā hī hai aur hai bashar bashar
is uqde kā jo hal hai vo qalb-e-bashar meñ hai
vo bhī to haiñ nazāra-e-kul juz meñ hai jinheñ
poshīda rāz-e-dīd to husn-e-nazar meñ hai
hai ishq juzv-e-lā-yatajazzā yaqīn jaan
ye qīmat-e-majāz-o-haqīqat ḳhatar meñ hai
kyā shauq-e-dīd tujh pe to ġhālib hai lutf-e-dīd
jo baat tere dil meñ hai apnī nazar meñ hai
nikle na phañs ke gesu-e-pur-pech-o-ḳham se dil
sāhil pe ḳhaak pahuñche jo kashtī bhañvar meñ hai
ulfat hai kis kī kaisī mohabbat kahāñ kā ishq
ma.adūm tū to fikr-e-dahān-o-kamar meñ hai
nāqis thī ibtidā to hai anjām-e-ishq bhī
be-rabtī mubtadā meñ jo thī vo ḳhabar meñ hai
'kaifī' masīh-e-sher haiñ ahbāb aur bhī
ik tujh se jān-e-tāza nahīñ is Dhachar meñ hai
حسن ازل کا جلوہ ہماری نظر میں ہے
جو طور پر ہوا تھا دل دیدہ ور میں ہے
دیر و حرم میں کس لیے آوارہ گردیاں
جس کی تجھے تلاش ہے وہ دل کے گھر میں ہے
جو دیکھنے کی آنکھ ہے تجھ کو نہیں ملی
وہ نور قد میں ورنہ شجر میں حجر میں ہے
خاموشیوں میں محفل انجم کی اس کو دیکھ
ہنگامہ مست کیوں تو نمود سحر میں ہے
دیکھا ہے اور پھر نہیں آیا نظر تجھے
وہ حسن وہ جلال جو شمس و قمر میں ہے
اس کو نتیجے علت غائی کی اس کو دھن
فرق اس قدر ہی بے خبر و با خبر میں ہے
ڈھونڈا ہے جس نے اس نے ہی پایا سنا نہیں
لکھا ہوا یہ حکم قضا و قدر میں ہے
ہاں ہاں خدا خدا ہی ہے اور ہے بشر بشر
اس عقدے کا جو حل ہے وہ قلب بشر میں ہے
وہ بھی تو ہیں نظارۂ کل جز میں ہے جنہیں
پوشیدہ راز دید تو حسن نظر میں ہے
ہے عشق جزو لا یتجزیٰ یقین جان
یہ قیمت مجاز و حقیقت خطر میں ہے
کیا شوق دید تجھ پہ تو غالب ہے لطف دید
جو بات تیرے دل میں ہے اپنی نظر میں ہے
نکلے نہ پھنس کے گیسوئے پر پیچ و خم سے دل
ساحل پہ خاک پہنچے جو کشتی بھنور میں ہے
الفت ہے کس کی کیسی محبت کہاں کا عشق
معدوم تو تو فکر دہان و کمر میں ہے
ناقص تھی ابتدا تو ہے انجام عشق بھی
بے ربطی مبتدا میں جو تھی وہ خبر میں ہے
کیفیؔ مسیح شعر ہیں احباب اور بھی
اک تجھ سے جان تازہ نہیں اس ڈھچر میں ہے