हरीस हो न जहाँ में न अपना जी भटका
ज़बाँ बिगड़ गई गर उस को आ गया चटका
जो शाहराह गया कुछ नहीं हुआ खटका
भटक रहा है मुसाफ़िर हुआ जो ओघट का
क़बा पहनते जो बरहम हुआ वो चुस्त-क़बा
दिया है चीन-ए-जबीं ने भी साथ सिलवट का
यहाँ भी इश्वा-ए-रा'ना खड़ी लगाता है
वो बहर-ए-हुस्न हुआ आश्ना जो करवट का
हमारी वज़' से आशुफ़्ता हो गया मजनूँ
हमें जो नज्द के बन में जिन्हों ने दे पटका
नज़र हुई है परेशाँ हिजाब में है वो रुख़
तिलिस्म खुल नहीं सकता है उन के घूँघट का
किया है ज़ुल्फ़-ओ-रुख़-ओ-चश्म ने जो सर-गश्ता
निकल के घर से मिरा दिल तिराहे में भटका
किसे है ताब जो देखे निगाह-ए-क़हर-आलूद
कोई उधर को चला और कोई इधर सटका
हमारे अश्क-ए-मुसलसल ज़रा नहीं रुकते
ये घाट ख़ूब रवाँ हो रहा है पनघट का
हमारा रंग-ए-तबीई है सुल्ह-ए-कुल मशरब
पसंद हम को नहीं क़ाफ़िया भी झंझट का
कहेंगे 'साक़ी'-ए-सरमस्त शेर-ए-तर क्या हम
हमारे हिस्से में आया है जाम तलछट का
harīs ho na jahāñ meñ na apnā jī bhaTkā
zabāñ bigaḌ ga.ī gar us ko aa gayā chaTkā
jo shāhrāh gayā kuchh nahīñ huā khaTkā
bhaTak rahā hai musāfir huā jo oghaT kā
qabā pahante jo barham huā vo chust-qabā
diyā hai chīn-e-jabīñ ne bhī saath silvaT kā
yahāñ bhī ishva-e-ra.anā khaḌī lagātā hai
vo bahr-e-husn huā āshnā jo karvaT kā
hamārī vaz' se āshufta ho gayā majnūñ
hameñ jo najd ke ban meñ jinhoñ ne de paTkā
nazar huī hai pareshāñ hijāb meñ hai vo ruḳh
tilism khul nahīñ saktā hai un ke ghūñghaT kā
kiyā hai zulf-o-ruḳh-o-chashm ne jo sar-gashta
nikal ke ghar se mirā dil tirāhe meñ bhaTkā
kise hai taab jo dekhe nigāh-e-qahr-ālūd
koī udhar ko chalā aur koī idhar saTkā
hamāre ashk-e-musalsal zarā nahīñ rukte
ye ghaaT ḳhuub ravāñ ho rahā hai panghaT kā
hamārā rañg-e-tabī.ī hai sulh-e-kul mashrab
pasand ham ko nahīñ qāfiya bhī jhanjhaT kā
kaheñge 'sāqī'-e-sarmast sher-e-tar kyā ham
hamāre hisse meñ aayā hai jaam talchhaT kā
حریص ہو نہ جہاں میں نہ اپنا جی بھٹکا
زباں بگڑ گئی گر اس کو آ گیا چٹکا
جو شاہراہ گیا کچھ نہیں ہوا کھٹکا
بھٹک رہا ہے مسافر ہوا جو اوگھٹ کا
قبا پہنتے جو برہم ہوا وہ چست قبا
دیا ہے چین جبیں نے بھی ساتھ سلوٹ کا
یہاں بھی عشوۂ رعنا کھڑی لگاتا ہے
وہ بحر حسن ہوا آشنا جو کروٹ کا
ہماری وضع سے آشفتہ ہو گیا مجنوں
ہمیں جو نجد کے بن میں جنہوں نے دے پٹکا
نظر ہوئی ہے پریشاں حجاب میں ہے وہ رخ
طلسم کھل نہیں سکتا ہے ان کے گھونگھٹ کا
کیا ہے زلف و رخ و چشم نے جو سرگشتہ
نکل کے گھر سے مرا دل تراہے میں بھٹکا
کسے ہے تاب جو دیکھے نگاہ قہر آلود
کوئی ادھر کو چلا اور کوئی ادھر سٹکا
ہمارے اشک مسلسل ذرا نہیں رکتے
یہ گھاٹ خوب رواں ہو رہا ہے پنگھٹ کا
ہمارا رنگ طبیعی ہے صلح کل مشرب
پسند ہم کو نہیں قافیہ بھی جھنجھٹ کا
کہیں گے ساقیؔ سرمست شعر تر کیا ہم
ہمارے حصہ میں آیا ہے جام تلچھٹ کا