हर सम्त उड़ी गर्द मिरे शहर-ए-गुमाँ में
महसूर तमन्ना है ज़माने के धुआँ में
सन्नाटे का जो क़िस्सा सुनाने में मगन है
रक़्साँ था कभी शोर उसी उजड़े मकाँ में
ख़ुशियों को बदन पर जो लपेटे हुए कल था
है आज शराबोर वही दर्द निहाँ में
मा'दूम हुआ गुल का निशाँ सहन-ए-चमन से
ख़ुश्बू है मगर अब भी बसी बाद-ए-रवाँ में
हर ख़्वाब की ता'बीर नज़र आई हिरासाँ
नापैद हुआ जोश-ए-जुनूँ मर्द-ए-जवाँ में
फ़र्दा की गली में वो बड़ा काम करेगी
इक ज़िद है खिलौने की जो मा'सूम फ़ुग़ाँ में
गुज़री हुई साअ'त को पलटने में लगा है
कुछ बात नज़र आई उसे कार-ए-ज़ियाँ में
पुर-कैफ़ हुई 'साहनी' हर साँस की आहट
मौहूम इशारा जो मिला वक़्त-ए-गिराँ में
har samt uḌī gard mire shahr-e-gumāñ meñ
mahsūr tamannā hai zamāne ke dhuāñ meñ
sannāTe kā jo qissa sunāne meñ magan hai
raqsāñ thā kabhī shor usī ujḌe makāñ meñ
ḳhushiyoñ ko badan par jo lapeTe hue kal thā
hai aaj sharābor vahī dard nihāñ meñ
ma.adūm huā gul kā nishāñ sahn-e-chaman se
ḳhushbū hai magar ab bhī basī bād-e-ravāñ meñ
har ḳhvāb kī ta.abīr nazar aa.ī hirāsāñ
nāpaid huā josh-e-junūñ mard-e-javāñ meñ
fardā kī galī meñ vo baḌā kaam karegī
ik zid hai khilaune kī jo ma.asūm fuġhāñ meñ
guzrī huī saa.at ko palaTne meñ lagā hai
kuchh baat nazar aa.ī use kār-e-ziyāñ meñ
pur-kaif huī 'sāhnī' har saañs kī aahaT
mauhūm ishāra jo milā vaqt-e-girāñ meñ
ہر سمت اڑی گرد مرے شہر گماں میں
محصور تمنا ہے زمانے کے دھواں میں
سناٹے کا جو قصہ سنانے میں مگن ہے
رقصاں تھا کبھی شور اسی اجڑے مکاں میں
خوشیوں کو بدن پر جو لپیٹے ہوئے کل تھا
ہے آج شرابور وہی درد نہاں میں
معدوم ہوا گل کا نشاں صحن چمن سے
خوشبو ہے مگر اب بھی بسی باد رواں میں
ہر خواب کی تعبیر نظر آئی ہراساں
ناپید ہوا جوش جنوں مرد جواں میں
فردا کی گلی میں وہ بڑا کام کرے گی
اک ضد ہے کھلونے کی جو معصوم فغاں میں
گزری ہوئی ساعت کو پلٹنے میں لگا ہے
کچھ بات نظر آئی اسے کار زیاں میں
پر کیف ہوئی ساہنیؔ ہر سانس کی آہٹ
موہوم اشارہ جو ملا وقت گراں میں