हर सम्त ख़ुद-नुमाई का मंज़र है आज-कल
रहज़न भी अपने आप में रहबर है आज-कल
झुलसा दिया है जैसे ज़माने की धूप ने
प्यासा है जिस का नाम समुंदर है आज-कल
हर शख़्स चाहता है मिले मर्तबा मुझे
हर एक अंधी सोच का ख़ूगर है आज-कल
इस्मत से खेलना यहाँ जिस का शिआ'र है
सब की निगाह में वही बरतर है आज-कल
ज़रदार जितने शहर में थे उन को घर मिले
घर उस को मिल न पाया जो बे-घर है आज-कल
जो शख़्स अपने दौर का आईना-दार था
अफ़्सोस उस के हाथ में पत्थर है आज-कल
लफ़्ज़ों में किस तरह इसे 'रहबर' बयाँ करूँ
इस दिल के आइने में जो मंज़र है आज-कल
har samt ḳhud-numā.ī kā manzar hai āj-kal
rahzan bhī apne aap meñ rahbar hai āj-kal
jhulsā diyā hai jaise zamāne kī dhuup ne
pyāsā hai jis kā naam samundar hai āj-kal
har shaḳhs chāhtā hai mile martaba mujhe
har ek andhī soch kā ḳhūgar hai āj-kal
ismat se khelnā yahāñ jis kā shi.ār hai
sab kī nigāh meñ vahī bartar hai āj-kal
zardār jitne shahr meñ the un ko ghar mile
ghar us ko mil na paayā jo be-ghar hai āj-kal
jo shaḳhs apne daur kā ā.īna-dār thā
afsos us ke haath meñ patthar hai āj-kal
lafzoñ meñ kis tarah ise 'rahbar' bayāñ karūñ
is dil ke aa.ine meñ jo manzar hai āj-kal
ہر سمت خود نمائی کا منظر ہے آج کل
رہزن بھی اپنے آپ میں رہبر ہے آج کل
جھلسا دیا ہے جیسے زمانے کی دھوپ نے
پیاسا ہے جس کا نام سمندر ہے آج کل
ہر شخص چاہتا ہے ملے مرتبہ مجھے
ہر ایک اندھی سوچ کا خوگر ہے آج کل
عصمت سے کھیلنا یہاں جس کا شعار ہے
سب کی نگاہ میں وہی برتر ہے آج کل
زردار جتنے شہر میں تھے ان کو گھر ملے
گھر اس کو مل نہ پایا جو بے گھر ہے آج کل
جو شخص اپنے دور کا آئینہ دار تھا
افسوس اس کے ہاتھ میں پتھر ہے آج کل
لفظوں میں کس طرح اسے رہبرؔ بیاں کروں
اس دل کے آئنے میں جو منظر ہے آج کل