हमें रास आनी है राहों की गठरी
रखो पास अपनी पनाहों की गठरी
बदल जाए काश इस हसीं मरहले पर
हमारी तुम्हारी गुनाहों की गठरी
मोहब्बत की राहें थीं हमवार लेकिन
हमीं ढो न पाए निबाहों की गठरी
तकल्लुफ़ के सामान बिखरे थे बाहम
सो बाँधे रहे हम भी बाँहों की गठरी
उजाले के हैं इन दिनों दाम ऊँचे
चलो लूट लें रू-सियाहों की गठरी
धरी रह गई मुंसिफ़-ए-दिल के आगे
बयानों की गठरी गवाहों की गठरी
न उगली ही जाए न निगले बने है
गले में फँसी एक आहों की गठरी
ये सूखी हुई फ़स्ल-ए-ग़म जी उठेगी
अगर खुल गई इन निगाहों की गठरी
उठेंगी किसी रोज़ सैलाब बन कर
ये आबादियाँ हैं तबाहों की गठरी
मिरी सीधी सादी सी बातों पे मत जा
मिरी ज़ात है कज-कुलाहों की गठरी
hameñ raas aanī hai rāhoñ kī gaThrī
rakho paas apnī panāhoñ kī gaThrī
badal jaa.e kaash is hasīñ marhale par
hamārī tumhārī gunāhoñ kī gaThrī
mohabbat kī rāheñ thiiñ hamvār lekin
hamīñ Dho na paa.e nibāhoñ kī gaThrī
takalluf ke sāmān bikhre the bāham
so bāñdhe rahe ham bhī bāñhoñ kī gaThrī
ujāle ke haiñ in dinoñ daam ūñche
chalo luuT leñ rū-siyāhoñ kī gaThrī
dharī rah ga.ī munsif-e-dil ke aage
bayānoñ kī gaThrī gavāhoñ kī gaThrī
na uglī hī jaa.e na nigle bane hai
gale meñ phañsī ek aahoñ kī gaThrī
ye sūkhī huī fasl-e-ġham jī uThegī
agar khul ga.ī in nigāhoñ kī gaThrī
uTheñgī kisī roz sailāb ban kar
ye ābādiyāñ haiñ tabāhoñ kī gaThrī
mirī sīdhī saadī sī bātoñ pe mat jā
mirī zaat hai kaj-kulāhoñ kī gaThrī
ہمیں راس آنی ہے راہوں کی گٹھری
رکھو پاس اپنی پناہوں کی گٹھری
بدل جائے کاش اس حسیں مرحلے پر
ہماری تمہاری گناہوں کی گٹھری
محبت کی راہیں تھیں ہموار لیکن
ہمیں ڈھو نہ پائے نباہوں کی گٹھری
تکلف کے سامان بکھرے تھے باہم
سو باندھے رہے ہم بھی بانہوں کی گٹھری
اجالے کے ہیں ان دنوں دام اونچے
چلو لوٹ لیں رو سیاہوں کی گٹھری
دھری رہ گئی منصف دل کے آگے
بیانوں کی گٹھری گواہوں کی گٹھری
نہ اگلی ہی جائے نہ نگلے بنے ہے
گلے میں پھنسی ایک آہوں کی گٹھری
یہ سوکھی ہوئی فصل غم جی اٹھے گی
اگر کھل گئی ان نگاہوں کی گٹھری
اٹھیں گی کسی روز سیلاب بن کر
یہ آبادیاں ہیں تباہوں کی گٹھری
مری سیدھی سادی سی باتوں پہ مت جا
مری ذات ہے کج کلاہوں کی گٹھری