हम से जो अहद था वो अहद-शिकन भूल गया
अपने उश्शाक़ को वो ग़ुंचा-दहन भूल गया
क़ैस का जलवा-ए-लैला जो हुआ होश-रुबा
वो सरासीमा हुआ नज्द का बन भूल गया
क्या करिश्मा ये तिरी चश्म-ए-सुख़न-गो ने किया
किस की जानिब था मिरा रू-ए-सुख़न भूल गया
ख़ार ख़ार-ए-ग़म-ए-उल्फ़त ने किया राह ग़लत
तेरा मदहोश-ए-नज़र राह-ए-चमन भूल गया
निगह-ए-शौक़ ने दीवाना बनाया मुझ को
कुछ ख़बर अपनी नहीं है हमा-तन भूल गया
हो गया होश-रुबा हुस्न-ए-फ़रेब-ए-आलम
नल जो बाज़ी में लगा इश्क़-ए-दमन भूल गया
शौक़-ओ-रम तेरे जो देखे हैं ग़ज़ाल-ए-रअना
चौकड़ी अपनी बयाबाँ में हिरन भूल गया
सैर-ए-गुलज़ार में है महव-ए-तमाशा वो गुल
बुलबुल-ए-शेफ़्ता को ग़ुंचा-दहन भूल गया
सब्ज़ा-ए-ख़त ने तिरे राह में घेरा मुझ को
ग़र्क़ मैं हो न सका चाह-ए-ज़क़न भूल गया
महव होता ही नहीं इस का कभी दिल से ख़याल
याद करता ही नहीं मुश्फ़िक़-ए-मन भूल गया
शाहिद-ए-मस्त ने सरमस्त किया है 'साक़ी'
हम वो मदहोश हुए रंग-ए-सुख़न भूल गया
ham se jo ahd thā vo ahd-shikan bhuul gayā
apne ushshāq ko vo ġhuncha-dahan bhuul gayā
qais kā jalva-e-lailā jo huā hosh-rubā
vo sarāsīma huā najd kā ban bhuul gayā
kyā karishma ye tirī chashm-e-suḳhan-go ne kiyā
kis kī jānib thā mirā rū-e-suḳhan bhuul gayā
ḳhaar ḳhār-e-ġham-e-ulfat ne kiyā raah ġhalat
terā mad.hosh-e-nazar rāh-e-chaman bhuul gayā
nigah-e-shauq ne dīvāna banāyā mujh ko
kuchh ḳhabar apnī nahīñ hai hama-tan bhuul gayā
ho gayā hosh-rubā husn-e-fareb-e-ālam
nal jo baazī meñ lagā ishq-e-daman bhuul gayā
shauq-o-ram tere jo dekhe haiñ ġhazāl-e-ra.anā
chaukḌī apnī bayābāñ meñ hiran bhuul gayā
sair-e-gulzār meñ hai mahv-e-tamāshā vo gul
bulbul-e-shefta ko ġhuncha-dahan bhuul gayā
sabza-e-ḳhat ne tire raah meñ gherā mujh ko
ġharq maiñ ho na sakā chāh-e-zaqan bhuul gayā
mahv hotā hī nahīñ is kā kabhī dil se ḳhayāl
yaad kartā hī nahīñ mushfiq-e-man bhuul gayā
shāhid-e-mast ne sarmast kiyā hai 'sāqī'
ham vo mad.hosh hue rañg-e-suḳhan bhuul gayā
ہم سے جو عہد تھا وہ عہد شکن بھول گیا
اپنے عشاق کو وہ غنچہ دہن بھول گیا
قیس کا جلوۂ لیلیٰ جو ہوا ہوش ربا
وہ سراسیمہ ہوا نجد کا بن بھول گیا
کیا کرشمہ یہ تری چشم سخن گو نے کیا
کس کی جانب تھا مرا روئے سخن بھول گیا
خار خار غم الفت نے کیا راہ غلط
تیرا مدہوش نظر راہ چمن بھول گیا
نگہ شوق نے دیوانہ بنایا مجھ کو
کچھ خبر اپنی نہیں ہے ہمہ تن بھول گیا
ہو گیا ہوش ربا حسن فریب عالم
نل جو بازی میں لگا عشق دمن بھول گیا
شوق و رم تیرے جو دیکھے ہیں غزال رعنا
چوکڑی اپنی بیاباں میں ہرن بھول گیا
سیر گلزار میں ہے محو تماشا وہ گل
بلبل شیفتہ کو غنچہ دہن بھول گیا
سبزۂ خط نے ترے راہ میں گھیرا مجھ کو
غرق میں ہو نہ سکا چاہ ذقن بھول گیا
محو ہوتا ہی نہیں اس کا کبھی دل سے خیال
یاد کرتا ہی نہیں مشفق من بھول گیا
شاہد مست نے سرمست کیا ہے ساقیؔ
ہم وہ مدہوش ہوئے رنگ سخن بھول گیا