हम से अपने गाँव की मिट्टी के घर छीने गए
जिस तरह शहरी परिंदों से शजर छीने गए
तितलियों ने काग़ज़ी फूलों पे डेरा कर लिया
रास्ते में जुगनुओं के बाल-ओ-पर छीने गए
इस क़दर बढ़ने लगे हैं घर से घर के फ़ासले
दोस्तों से शाम के पैदल सफ़र छीने गए
काले सूरज की ज़िया से शहर अंधा हो गया
ख़ून में ख़ुशबू उगाने के हुनर छीने गए
आँख आँखों से ज़बानों से ज़बाँ छीनी गई
दास्ताँ से दास्तानों के शरर छीने गए
ham se apne gaañv kī miTTī ke ghar chhīne ga.e
jis tarah shahrī parindoñ se shajar chhīne ga.e
titliyoñ ne kāġhzī phūloñ pe Derā kar liyā
rāste meñ jugnuoñ ke bāl-o-par chhīne ga.e
is qadar baḌhne lage haiñ ghar se ghar ke fāsle
dostoñ se shaam ke paidal safar chhīne ga.e
kaale sūraj kī ziyā se shahr andhā ho gayā
ḳhuun meñ ḳhushbū ugāne ke hunar chhīne ga.e
aañkh āñkhoñ se zabānoñ se zabāñ chhīnī ga.ī
dāstāñ se dāstānoñ ke sharar chhīne ga.e
ہم سے اپنے گاؤں کی مٹی کے گھر چھینے گئے
جس طرح شہری پرندوں سے شجر چھینے گئے
تتلیوں نے کاغذی پھولوں پہ ڈیرا کر لیا
راستے میں جگنوؤں کے بال و پر چھینے گئے
اس قدر بڑھنے لگے ہیں گھر سے گھر کے فاصلے
دوستوں سے شام کے پیدل سفر چھینے گئے
کالے سورج کی ضیا سے شہر اندھا ہو گیا
خون میں خوشبو اگانے کے ہنر چھینے گئے
آنکھ آنکھوں سے زبانوں سے زباں چھینی گئی
داستاں سے داستانوں کے شرر چھینے گئے