हम को ये डर है कि इम्कान किसी और का है
या'नी वो शख़्स निगहबान किसी और का है
ये जो हर लहज़ा धड़कते हैं मिरे सीने में
दिल किसी और का अरमान किसी और का है
ग़ाएबाना यही समझा वो फ़क़त मेरा है
जब मिला तो लगा नादान किसी और का है
दस्तकें सुन के ही अंदाज़ा हुआ था हम को
वो हमारा नहीं मेहमान किसी और का है
हाकिम-ए-शाम की बैअ'त से खुला है मुझ पर
तख़्त पर मा'नी-ए-क़ुरआन किसी और का है
हम मुसाफ़िर हैं तो जाना है कहीं और हमें
घर किसी और का सामान किसी और का है
हम यूँही क़र्ज़ चुकाते रहे अनजाने में
काश हम जानते तावान किसी और का है
बाँध कर सर पे कफ़न कूद पड़े हैं जिस में
जंग है ग़ैर की मैदान किसी और का है
रुख़ वो रखता है ब-ज़ाहिर मिरी जानिब लेकिन
वो तो मेरा नहीं सुल्तान किसी और का है
मैं हूँ ना-ख़ुश कि ख़िज़ाँ आन पड़ी है बे-वक़्त
बाग़बाँ ख़ुश है कि नुक़सान किसी और का है
उम्र-भर हम ने पिलाया है जिन्हें अपना लहू
वो बहारें वो गुलिस्तान किसी और का है
ये मकाँ किस की विरासत है हमें क्या मालूम
सहन अपना है तो दालान किसी और का है
सेहन-ए-गुलशन से निकल जाने का मेरा शाहा
मैं समझता रहा एलान किसी और का है
कारवाँ लुटने का उस को तो नहीं दर्द 'नबील'
वो समझता है कि नुक़सान किसी और का है
यूँ भी महरूम हैं हम रंग से ख़ुश्बू से 'नबील'
फूल अपने हैं तो गुल-दान किसी और का है
ham ko ye Dar hai ki imkān kisī aur kā hai
ya.anī vo shaḳhs nigahbān kisī aur kā hai
ye jo har lahza dhaḌakte haiñ mire siine meñ
dil kisī aur kā armān kisī aur kā hai
ġhā.ebāna yahī samjhā vo faqat merā hai
jab milā to lagā nādān kisī aur kā hai
dastakeñ sun ke hī andāza huā thā ham ko
vo hamārā nahīñ mehmān kisī aur kā hai
hākim-e-shām kī bai.at se khulā hai mujh par
taḳht par ma.anī-e-qur.ān kisī aur kā hai
ham musāfir haiñ to jaanā hai kahīñ aur hameñ
ghar kisī aur kā sāmān kisī aur kā hai
ham yūñhī qarz chukāte rahe anjāne meñ
kaash ham jānte tāvān kisī aur kā hai
bāñdh kar sar pe kafan kuud paḌe haiñ jis meñ
jañg hai ġhair kī maidān kisī aur kā hai
ruḳh vo rakhtā hai ba-zāhir mirī jānib lekin
vo to merā nahīñ sultān kisī aur kā hai
maiñ huuñ nā-ḳhush ki ḳhizāñ aan paḌī hai be-vaqt
bāġhbāñ ḳhush hai ki nuqsān kisī aur kā hai
umr-bhar ham ne pilāyā hai jinheñ apnā lahū
vo bahāreñ vo gulistān kisī aur kā hai
ye makāñ kis kī virāsat hai hameñ kyā mālūm
sahn apnā hai to dālān kisī aur kā hai
sehn-e-gulshan se nikal jaane kā merā shāhā
maiñ samajhtā rahā elaan kisī aur kā hai
kārvāñ luTne kā us ko to nahīñ dard 'nabīl'
vo samajhtā hai ki nuqsān kisī aur kā hai
yuuñ bhī mahrūm haiñ ham rañg se ḳhushbū se 'nabīl'
phuul apne haiñ to gul-dān kisī aur kā hai
ہم کو یہ ڈر ہے کہ امکان کسی اور کا ہے
یعنی وہ شخص نگہبان کسی اور کا ہے
یہ جو ہر لحظہ دھڑکتے ہیں مرے سینے میں
دل کسی اور کا ارمان کسی اور کا ہے
غائبانہ یہی سمجھا وہ فقط میرا ہے
جب ملا تو لگا نادان کسی اور کا ہے
دستکیں سن کے ہی اندازہ ہوا تھا ہم کو
وہ ہمارا نہیں مہمان کسی اور کا ہے
حاکم شام کی بیعت سے کھلا ہے مجھ پر
تخت پر معنیٔ قرآن کسی اور کا ہے
ہم مسافر ہیں تو جانا ہے کہیں اور ہمیں
گھر کسی اور کا سامان کسی اور کا ہے
ہم یوں ہی قرض چکاتے رہے انجانے میں
کاش ہم جانتے تاوان کسی اور کا ہے
باندھ کر سر پہ کفن کود پڑے ہیں جس میں
جنگ ہے غیر کی میدان کسی اور کا ہے
رخ وہ رکھتا ہے بظاہر مری جانب لیکن
وہ تو میرا نہیں سلطان کسی اور کا ہے
میں ہوں ناخوش کہ خزاں آن پڑی ہے بے وقت
باغباں خوش ہے کہ نقصان کسی اور کا ہے
عمر بھر ہم نے پلایا ہے جنہیں اپنا لہو
وہ بہاریں وہ گلستان کسی اور کا ہے
یہ مکاں کس کی وراثت ہے ہمیں کیا معلوم
صحن اپنا ہے تو دالان کسی اور کا ہے
صحن گلشن سے نکل جانے کا میرا شاہا
میں سمجھتا رہا اعلان کسی اور کا ہے
کارواں لٹنے کا اس کو تو نہیں درد نبیلؔ
وہ سمجھتا ہے کہ نقصان کسی اور کا ہے
یوں بھی محروم ہیں ہم رنگ سے خوشبو سے نبیلؔ
پھول اپنے ہیں تو گلدان کسی اور کا ہے