हादसों का सिलसिला मंज़र-ब-मंज़र जम गया
हर किसी के धड़ पे इक फ़िरऔन का सर जम गया
ख़ाक की कश्ती तले सोने का साग़र जम गया
दीदा-ए-बे-ख़्वाब में ख़्वाब-ए-सिकंदर जम गया
मौसमों के बीच की दूरी का अंदाज़ा लगाओ
बह गए पर्बत पिघल कर और समुंदर जम गया
लड़खड़ा कर गिर पड़ी ऊँची इमारत दफ़अ'तन
दफ़अ'तन ता'मीर की कुर्सी पे खंडर जम गया
रिफ़अ'त-ए-चर्ख़-ए-बरीं महदूद हो कर रह गई
जब सरों पर धुंद का सफ़्फ़ाक लश्कर जम गया
दीदा-ए-गुर्बा से क्या फूटी शुआ-ए-जाँ-गुज़ा
फड़फड़ाया तक नहीं ज़िंदा कबूतर जम गया
अहल-ए-दुनिया से मुझे तो कोई अंदेशा न था
नाम तेरा किस लिए मेरे लबों पर जम गया
hādsoñ kā silsila manzar-ba-manzar jam gayā
har kisī ke dhaḌ pe ik fir.aun kā sar jam gayā
ḳhaak kī kashtī tale sone kā sāġhar jam gayā
dīda-e-be-ḳhvāb meñ ḳhvāb-e-sikandar jam gayā
mausamoñ ke biich kī duurī kā andāza lagāo
bah ga.e parbat pighal kar aur samundar jam gayā
laḌkhaḌā kar gir paḌī ūñchī imārat daf.atan
daf.atan tā'mīr kī kursī pe khañDar jam gayā
rif.at-e-charḳh-e-barīñ mahdūd ho kar rah ga.ī
jab saroñ par dhund kā saffāk lashkar jam gayā
dīda-e-gurba se kyā phūTī shuā-e-jāñ-guzā
phaḌphaḌāyā tak nahīñ zinda kabūtar jam gayā
ahl-e-duniyā se mujhe to koī andesha na thā
naam terā kis liye mere laboñ par jam gayā
حادثوں کا سلسلہ منظر بہ منظر جم گیا
ہر کسی کے دھڑ پہ اک فرعون کا سر جم گیا
خاک کی کشتی تلے سونے کا ساغر جم گیا
دیدۂ بے خواب میں خواب سکندر جم گیا
موسموں کے بیچ کی دوری کا اندازہ لگاؤ
بہہ گئے پربت پگھل کر اور سمندر جم گیا
لڑکھڑا کر گر پڑی اونچی عمارت دفعتاً
دفعتاً تعمیر کی کرسی پہ کھنڈر جم گیا
رفعت چرخ بریں محدود ہو کر رہ گئی
جب سروں پر دھند کا سفاک لشکر جم گیا
دیدۂ گربہ سے کیا پھوٹی شعاع جاں گزا
پھڑپھڑایا تک نہیں زندہ کبوتر جم گیا
اہل دنیا سے مجھے تو کوئی اندیشہ نہ تھا
نام تیرا کس لئے میرے لبوں پر جم گیا