गुज़रा जिधर से राह को रंगीन कर गया
जुगनू इक आफ़्ताब की तौहीन कर गया
किस ने बिठाया मुझ को सर-ए-मसनद-ए-सिनाँ
ये कौन मेरे जिस्म की तज़ईन कर गया
अश्कों ने ज़ख़्म ज़ख़्म को अंदर से धो दिया
ये ग़म तिरा तो रूह की तस्कीन कर गया
ये किस की ख़ामुशी से है नब्ज़-ए-जहाँ रुकी
ये कौन काएनात को ग़मगीन कर गया
आया था ले के ज़ीस्त में दौलत सुकून की
जाते हुए क़रार मिरा छीन कर गया
ये गाम गाम आइने किस ने बिछा दिए
ये कौन गाम गाम को ख़ुद-बीन कर गया
तोहमत मिरे वजूद को छू कर पलट गई
समझा था वो कि ज़ात की तस्कीन कर गया
ऐ कशतगान-ए-इशक़ भरम है ये इश्क़ का
रखना ये जेब चाक वो तल्क़ीन कर गया
'ताहिर' हर एक बात में जिस की मिठास थी
बिछड़ा तो ज़िंदगी को वो ग़मगीन कर गया
guzrā jidhar se raah ko rangīn kar gayā
jugnū ik āftāb kī tauhīn kar gayā
kis ne biThāyā mujh ko sar-e-masnad-e-sināñ
ye kaun mere jism kī taz.īn kar gayā
ashkoñ ne zaḳhm zaḳhm ko andar se dho diyā
ye ġham tirā to ruuh kī taskīn kar gayā
ye kis kī ḳhāmushī se hai nabz-e-jahāñ rukī
ye kaun kā.enāt ko ġhamgīn kar gayā
aayā thā le ke ziist meñ daulat sukūn kī
jaate hue qarār mirā chhīn kar gayā
ye gaam gaam aa.ine kis ne bichhā diye
ye kaun gaam gaam ko ḳhud-bīn kar gayā
tohmat mire vajūd ko chhū kar palaT ga.ī
samjhā thā vo ki zaat kī taskīn kar gayā
ai kushtgān-e-ishq bharam hai ye ishq kā
rakhnā ye jeb chaak vo talqīn kar gayā
'tāhir' har ek baat meñ jis kī miThās thī
bichhḌā to zindagī ko vo ġhamgīn kar gayā
گزرا جدھر سے راہ کو رنگین کر گیا
جگنو اک آفتاب کی توہین کر گیا
کس نے بٹھایا مجھ کو سر مسند سناں
یہ کون میرے جسم کی تزئین کر گیا
اشکوں نے زخم زخم کو اندر سے دھو دیا
یہ غم ترا تو روح کی تسکین کر گیا
یہ کس کی خامشی سے ہے نبض جہاں رکی
یہ کون کائنات کو غمگین کر گیا
آیا تھا لے کے زیست میں دولت سکون کی
جاتے ہوئے قرار مرا چھین کر گیا
یہ گام گام آئنے کس نے بچھا دئے
یہ کون گام گام کو خودبین کر گیا
تہمت مرے وجود کو چھو کر پلٹ گئی
سمجھا تھا وہ کہ ذات کی تسکین کر گیا
اے کشتگان عشق بھرم ہے یہ عشق کا
رکھنا یہ جیب چاک وہ تلقین کر گیا
طاہرؔ ہر ایک بات میں جس کی مٹھاس تھی
بچھڑا تو زندگی کو وہ غمگین کر گیا