ग़म-ए-दुनिया नहीं फिर कौन सा ग़म है हम को
फ़िक्र-ओ-अंदेशा-ए-उक़बा से भी रम है हम को
दहन-ए-ग़ुन्चा से पैग़ाम-ए-वफ़ा सुनते हैं
ग़ाज़ा-ए-आरिज़-ए-सद-हस्त-ए-अदम है हम को
क़ौल ये सच है कि ख़ुद-कर्दा का दरमाँ क्या है
दावर-ए-हश्र पे नाहक़ का भरम है हम को
अगले लुक़्मों में नहीं क़ंद-ए-मुकर्रर का मज़ा
सख़्त बे-लुत्फ़-ए-हयात-ए-पैहम है हम को
ज़ीस्त की कश्मकश और मर्ग की क़ुर्बत का अलम
आमद-ओ-रफ़्त-ए-नफ़स तेग़-ए-दो-दम है हम को
बैठे बैठे जो कटे फिर तग-ओ-दौ से हासिल
हर-नफ़स जादा-ए-हस्ती में क़दम है हम को
ज़र्रे ज़र्रे में नज़र आती है तस्वीर-ए-सनम
सर-ब-सर रू-कश-ए-सद-दैर-ओ-हरम है हम को
बार-ए-ग़म बार से एहसाँ के बदल जाता है
तौक़-ए-गर्दन कशिश-ए-काफ़-ए-करम है हम को
हाल-ए-दिल लिखते न लोगों की ज़बाँ में पड़ते
वज्ह-ए-अंगुश्त-नुमाई ये क़लम है हम को
आँख क्या डालिए उस गुल पे जो कुम्हला जाए
'कैफ़ी' अपना ही ये दिल बाग़-ए-इरम है हम को
ġham-e-duniyā nahīñ phir kaun sā ġham hai ham ko
fikr-o-andesha-e-uqbā se bhī ram hai ham ko
dahn-e-ġhuncha se paiġhām-e-vafā sunte haiñ
ġhāza-e-āriz-e-sad-hast-e-adam hai ham ko
qaul ye sach hai ki ḳhud-karda kā darmāñ kyā hai
dāvar-e-hashr pe nāhaq kā bharam hai ham ko
agle luqmoñ meñ nahīñ qand-e-mukarrar kā mazā
saḳht be-lutf-e-hayāt-e-paiham hai ham ko
ziist kī kashmakash aur marg kī qurbat kā alam
āmad-o-raft-e-nafas teġh-e-do-dam hai ham ko
baiThe baiThe jo kaTe phir tag-o-dau se hāsil
har-nafas jāda-e-hastī meñ qadam hai ham ko
zarre zarre meñ nazar aatī hai tasvīr-e-sanam
sar-ba-sar rū-kash-e-sad-dair-o-haram hai ham ko
bār-e-ġham baar se ehsāñ ke badal jaatā hai
tauq-e-gardan kashish-e-kāf-e-karam hai ham ko
hāl-e-dil likhte na logoñ kī zabāñ meñ paḌte
vaj.h-e-añgusht-numā.ī ye qalam hai ham ko
aañkh kyā Dāliye us gul pe jo kumhlā jaa.e
'kaifī' apnā hī ye dil bāġh-e-iram hai ham ko
غم دنیا نہیں پھر کون سا غم ہے ہم کو
فکر و اندیشۂ عقبیٰ سے بھی رم ہے ہم کو
دہن غنچہ سے پیغام وفا سنتے ہیں
غازۂ عارض صد ہست عدم ہے ہم کو
قول یہ سچ ہے کہ خود کردہ کا درماں کیا ہے
داور حشر پہ ناحق کا بھرم ہے ہم کو
اگلے لقموں میں نہیں قند مکرر کا مزا
سخت بے لطف حیات پیہم ہے ہم کو
زیست کی کشمکش اور مرگ کی قربت کا الم
آمد و رفت نفس تیغ دو دم ہے ہم کو
بیٹھے بیٹھے جو کٹے پھر تگ و دو سے حاصل
ہر نفس جادۂ ہستی میں قدم ہے ہم کو
ذرہ ذرہ میں نظر آتی ہے تصویر صنم
سر بسر رو کش صد دیر و حرم ہے ہم کو
بار غم بار سے احساں کے بدل جاتا ہے
طوق گردن کشش کاف کرم ہے ہم کو
حال دل لکھتے نہ لوگوں کی زباں میں پڑتے
وجہ انگشت نمائی یہ قلم ہے ہم کو
آنکھ کیا ڈالیے اس گل پہ جو کمھلا جائے
کیفیؔ اپنا ہی یہ دل باغ ارم ہے ہم کو