फ़िदा अल्लाह की ख़िल्क़त पे जिस का जिस्म ओ जाँ होगा
वही अफ़्साना-ए-हस्ती का मीर-ए-दास्ताँ होगा
यक़ीं जिस का कलाम-ए-क़ुद्स अज्र-उल-मोहसिनीं पर हो
निको-कारी का उस की क़ाइल इक दिन कुल जहाँ होगा
हयात-ए-जावेदानी पाएगा वो 'इश्क़-ए-सादिक़ में
जो 'अन्क़ा की तरह मा'दूम होगा बे-निशाँ होगा
सफ़र राह-ए-मोहब्बत का चहल-क़दमी समझते हो
अभी देखोगे तुम इक इक क़दम पर हफ़्त-ख़्वाँ होगा
हमें गुलज़ार-ए-जन्नत है अज़ीज़ो बाग़-ए-दिल अपना
समझते हो कि जाँ-परवर है सेहन-ए-गुलसिताँ होगा
जो ईसार और हमदर्दी शि'आर अपना बना लोगे
तो काँटा भी तुम्हें रश्क-ए-गुल-ए-बाग़-ए-जिनाँ होगा
ये क़िस्सा शम' ओ परवाने का बस मा-वशा तक है
वो हो जाएगा बज़्म-आरा तो फिर कोई कहाँ होगा
अदा-ए-फ़र्ज़ बर-हक़ पर खपा दो दोस्तो जाँ तक
ये वो सौदा है आख़िर को नहीं जिस में ज़ियाँ होगा
अज़ल से वाइ'ज़ो के क़ौल दुनिया सुनती आई है
'अमल का वक़्त भी कोई कभी ऐ मेहरबाँ होगा
तग़ाफ़ुल और सितम के बदले है अंदाज़ दिलदारी
सँभल ऐ शौक़-ए-बे-पायाँ तिरा अब इम्तिहाँ होगा
तही-दस्तान-ए-क़िस्मत को तो दम लेना क़यामत है
यहाँ कुछ हो गया इंसाफ़-ए-आशिक़ जो वहाँ होगा
न समझो खेल इस को बज़्म 'कैफ़ी' में वो जादू है
यहाँ गर ज़ाहिद-ए-ख़ुश्क आएगा पीर-ए-मुग़ाँ होगा
fidā allāh kī ḳhilqat pe jis kā jism o jaañ hogā
vahī afsāna-e-hastī kā mīr-e-dāstāñ hogā
yaqīñ jis kā kalām-e-quds ajr-ul-mohsinīñ par ho
niko-kārī kā us kī qaa.il ik din kul jahāñ hogā
hayāt-e-jāvedānī pā.egā vo 'ishq-e-sādiq meñ
jo 'anqā kī tarah mā'dūm hogā be-nishāñ hogā
safar rāh-e-mohabbat kā chahal-qadmī samajhte ho
abhī dekhoge tum ik ik qadam par haft-ḳhvāñ hogā
hameñ gulzār-e-jannat hai azīzo bāġh-e-dil apnā
samajhte ho ki jāñ-parvar hai sehn-e-gulsitāñ hogā
jo īsār aur hamdardī shi'ār apnā banā loge
to kāñTā bhī tumheñ rashk-e-gul-e-bāġh-e-jināñ hogā
ye qissa sham' o parvāne kā bas mā-vashā tak hai
vo ho jā.egā bazm-ārā to phir koī kahāñ hogā
adā-e-farz bar-haq par khapā do dosto jaañ tak
ye vo saudā hai āḳhir ko nahīñ jis meñ ziyāñ hogā
azal se vā.izo ke qaul duniyā suntī aa.ī hai
'amal kā vaqt bhī koī kabhī ai mehrbāñ hogā
taġhāful aur sitam ke badle hai andāz dildārī
sambhal ai shauq-e-be-pāyāñ tirā ab imtihāñ hogā
tahī-dastān-e-qismat ko to dam lenā qayāmat hai
yahāñ kuchh ho gayā insāf-e-āshiq jo vahāñ hogā
na samjho khel is ko bazm 'kaifī' meñ vo jaadū hai
yahāñ gar zāhid-e-ḳhushk aa.egā pīr-e-muġhāñ hogā
فدا اللہ کی خلقت پہ جس کا جسم و جاں ہوگا
وہی افسانۂ ہستی کا میر داستاں ہوگا
یقیں جس کا کلام قدس اجرالمحسنیں پر ہو
نکو کاری کا اس کی قائل اک دن کل جہاں ہوگا
حیات جاودانی پائے گا وہ عشق صادق میں
جو عنقا کی طرح معدوم ہوگا بے نشاں ہوگا
سفر راہ محبت کا چہل قدمی سمجھتے ہو
ابھی دیکھو گے تم اک اک قدم پر ہفت خواں ہوگا
ہمیں گلزار جنت ہے عزیزو باغ دل اپنا
سمجھتے ہو کہ جاں پرور ہے صحن گلستاں ہوگا
جو ایثار اور ہمدردی شعار اپنا بنا لو گے
تو کانٹا بھی تمہیں رشک گل باغ جناں ہوگا
یہ قصہ شمع و پروانے کا بس ماوشا تک ہے
وہ ہو جائے گا بزم آرا تو پھر کوئی کہاں ہوگا
ادائے فرض برحق پر کھپا دو دوستو جاں تک
یہ وہ سودا ہے آخر کو نہیں جس میں زیاں ہوگا
ازل سے واعظو کے قول دنیا سنتی آئی ہے
عمل کا وقت بھی کوئی کبھی اے مہرباں ہوگا
تغافل اور ستم کے بدلے ہے انداز دل داری
سنبھل اے شوق بے پایاں ترا اب امتحاں ہوگا
تہی دستان قسمت کو تو دم لینا قیامت ہے
یہاں کچھ ہو گیا انصاف عاشق جو وہاں ہوگا
نہ سمجھو کھیل اس کو بزم کیفیؔ میں وہ جادو ہے
یہاں گر زاہد خشک آئے گا پیر مغاں ہوگا