फ़क़ीराना आए सदा कर चले
कि म्याँ ख़ुश रहो हम दुआ कर चले
जो तुझ बिन न जीने को कहते थे हम
सो इस अहद को अब वफ़ा कर चले
शिफ़ा अपनी तक़दीर ही में न थी
कि मक़्दूर तक तो दवा कर चले
पड़े ऐसे अस्बाब पायान-ए-कार
कि नाचार यूँ जी जला कर चले
वो क्या चीज़ है आह जिस के लिए
हर इक चीज़ से दिल उठा कर चले
कोई ना-उमीदाना करते निगाह
सो तुम हम से मुँह भी छुपा कर चले
बहुत आरज़ू थी गली की तिरी
सो याँ से लहू में नहा कर चले
दिखाई दिए यूँ कि बे-ख़ुद किया
हमें आप से भी जुदा कर चले
जबीं सज्दा करते ही करते गई
हक़-ए-बंदगी हम अदा कर चले
परस्तिश की याँ तक कि ऐ बुत तुझे
नज़र में सभों की ख़ुदा कर चले
झड़े फूल जिस रंग गुलबुन से यूँ
चमन में जहाँ के हम आ कर चले
न देखा ग़म-ए-दोस्ताँ शुक्र है
हमीं दाग़ अपना दिखा कर चले
गई उम्र दर-बंद-ए-फ़िक्र-ए-ग़ज़ल
सो इस फ़न को ऐसा बड़ा कर चले
कहें क्या जो पूछे कोई हम से 'मीर'
जहाँ में तुम आए थे क्या कर चले
faqīrāna aa.e sadā kar chale
ki myaañ ḳhush raho ham duā kar chale
jo tujh bin na jiine ko kahte the ham
so is ahd ko ab vafā kar chale
shifā apnī taqdīr hī meñ na thī
ki maqdūr tak to davā kar chale
paḌe aise asbāb pāyān-e-kār
ki nā-chār yuuñ jī jalā kar chale
vo kyā chiiz hai aah jis ke liye
har ik chiiz se dil uThā kar chale
koī nā-umīdāna karte nigāh
so tum ham se muñh bhī chhupā kar chale
bahut aarzū thī galī kī tirī
so yaañ se lahū meñ nahā kar chale
dikhā.ī diye yuuñ ki be-ḳhud kiyā
hameñ aap se bhī judā kar chale
jabīñ sajda karte hī karte ga.ī
haq-e-bandagī ham adā kar chale
parastish kī yaañ tak ki ai but tujhe
nazar meñ sabhoñ kī ḳhudā kar chale
jhaḌe phuul jis rañg gulbun se yuuñ
chaman meñ jahāñ ke ham aa kar chale
na dekhā ġham-e-dostāñ shukr hai
hamīñ daaġh apnā dikhā kar chale
ga.ī umr dar-band-e-fikr-e-ġhazal
so is fan ko aisā baḌā kar chale
kaheñ kyā jo pūchhe koī ham se 'mīr'
jahāñ meñ tum aa.e the kyā kar chale
فقیرانہ آئے صدا کر چلے
کہ میاں خوش رہو ہم دعا کر چلے
جو تجھ بن نہ جینے کو کہتے تھے ہم
سو اس عہد کو اب وفا کر چلے
شفا اپنی تقدیر ہی میں نہ تھی
کہ مقدور تک تو دوا کر چلے
پڑے ایسے اسباب پایان کار
کہ ناچار یوں جی جلا کر چلے
وہ کیا چیز ہے آہ جس کے لیے
ہر اک چیز سے دل اٹھا کر چلے
کوئی ناامیدانہ کرتے نگاہ
سو تم ہم سے منہ بھی چھپا کر چلے
بہت آرزو تھی گلی کی تری
سو یاں سے لہو میں نہا کر چلے
دکھائی دیئے یوں کہ بے خود کیا
ہمیں آپ سے بھی جدا کر چلے
جبیں سجدہ کرتے ہی کرتے گئی
حق بندگی ہم ادا کر چلے
پرستش کی یاں تک کہ اے بت تجھے
نظر میں سبھوں کی خدا کر چلے
جھڑے پھول جس رنگ گلبن سے یوں
چمن میں جہاں کے ہم آ کر چلے
نہ دیکھا غم دوستاں شکر ہے
ہمیں داغ اپنا دکھا کر چلے
گئی عمر در بند فکر غزل
سو اس فن کو ایسا بڑا کر چلے
کہیں کیا جو پوچھے کوئی ہم سے میرؔ
جہاں میں تم آئے تھے کیا کر چلے