ढूँढता हक़ को दर-ब-दर है तू
वाए अपने से बे-ख़बर है तू
शान-ए-हक़ आश्कार है तन से
मूजिद-ए-कुल्ल-ए-ख़ैर-ओ-शर है तू
एक में क्या वजूद-ए-जुमला-ज़ुहूर
कुल में ख़ुद आप बा-असर है तू
क़ुदरत-ए-कामिला को ग़ौर तो कर
बहर-ए-यकताई का गुहर है तू
मीट अपनी ख़ुदी ख़ुदा को पा
नफ़अ' हासिल हो क्या अगर है तू
मुक़्तदिर आप हर सबब का है
इस लिए हो गया बशर है तू
ख़ैर-ओ-शर के हिजाब में कब तक
ज़ुल्मत-ए-कुफ़्र का सहर है तू
तेरी ही शान-ए-कुल हुवैदा है
बंदा कहता है क्यूँ किधर है तू
आप हर शय में जल्वा-फ़रमा हैं
बे-ख़बर क्या है बा-ख़बर है तू
मुझ पे इल्ज़ाम आ नहीं सकता
हर तरह से इधर उधर है तू
कोई कुछ क़ल्ब क्या करे तुझ को
बे-ग़ुल-ओ-ग़श वो साफ़ ज़र है तू
कह रहा है हमेशा इन्नी अना
जुमला आमा का राहबर है तू
जो है मंज़ूर हो रहा वही
किस नतीजे का मुंतज़र है तू
बिल-यक़ीं हक़ की शान है तेरी
मुख़्तसर ये है मुख़्तसर है तू
नाम तेरा ख़ुदा-नुमा है हिजाब
दीदा-ए-दीद का बसर है तू
कोई पाता नहीं तुझे 'मरकज़'
दू-ब-दू आप जल्वा-गर है तू
DhūñDhtā haq ko dar-ba-dar hai tū
vaa.e apne se be-ḳhabar hai tū
shān-e-haq āshkār hai tan se
mujid-e-kull-e-ḳhair-o-shar hai tū
ek meñ kyā vajūd-e-jumla-zuhūr
kul meñ ḳhud aap bā-asar hai tū
qudrat-e-kāmila ko ġhaur to kar
bahr-e-yaktā.ī kā guhar hai tū
miiT apnī ḳhudī ḳhudā ko pā
naf.a hāsil ho kyā agar hai tū
muqtadir aap har sabab kā hai
is liye ho gayā bashar hai tū
ḳhair-o-shar ke hijāb meñ kab tak
zulmat-e-kufr kā sahar hai tū
terī hī shān-e-kul huvaidā hai
banda kahtā hai kyuuñ kidhar hai tū
aap har shai meñ jalva-farmā haiñ
be-ḳhabar kyā hai bā-ḳhabar hai tū
mujh pe ilzām aa nahīñ saktā
har tarah se idhar udhar hai tū
koī kuchh qalb kyā kare tujh ko
be-ġhul-o-ġhash vo saaf zar hai tū
kah rahā hai hamesha innī anā
jumla a.amā kā rāhbar hai tū
jo hai manzūr ho rahā vahī
kis natīje kā muntazar hai tū
bil-yaqīñ haq kī shaan hai terī
muḳhtasar ye hai muḳhtasar hai tū
naam terā ḳhudā-numā hai hijāb
dīda-e-dīd kā basar hai tū
koī paatā nahīñ tujhe 'markaz'
dū-ba-dū aap jalva-gar hai tū
ڈھونڈھتا حق کو در بدر ہے تو
وائے اپنے سے بے خبر ہے تو
شان حق آشکار ہے تن سے
موجد کلّ خیر و شر ہے تو
ایک میں کیا وجود جملہ ظہور
کل میں خود آپ با اثر ہے تو
قدرت کاملہ کو غور تو کر
بحر یکتائی کا گہر ہے تو
میٹ اپنی خودی خدا کو پا
نفع حاصل ہو کیا اگر ہے تو
مقتدر آپ ہر سبب کا ہے
اس لئے ہو گیا بشر ہے تو
خیر و شر کے حجاب میں کب تک
ظلمت کفر کا سحر ہے تو
تیری ہی شان کل ہویدا ہے
بندہ کہتا ہے کیوں کدھر ہے تو
آپ ہر شے میں جلوہ فرما ہیں
بے خبر کیا ہے با خبر ہے تو
مجھ پہ الزام آ نہیں سکتا
ہر طرح سے ادھر ادھر ہے تو
کوئی کچھ قلب کیا کرے تجھ کو
بے غل و غش وہ صاف زر ہے تو
کہہ رہا ہے ہمیشہ اِنی انا
جملہ اعمیٰ کا راہبر ہے تو
جو ہے منظور ہو رہا وہی
کس نتیجہ کا منتظر ہے تو
بالیقیں حق کی شان ہے تیری
مختصر یہ ہے مختصر ہے تو
نام تیرا خدا نما ہے حجاب
دیدۂ دید کا بصر ہے تو
کوئی پاتا نہیں تجھے مرکزؔ
دو بہ دو آپ جلوہ گر ہے تو