अजब भूल ओ हैरत जो मख़्लूक़ को है
ख़ुदा की तलब शिर्क की जुस्तुजू है
शराब-ए-मोहब्बत में मख़मूर हूँ मैं
पियाला भरा है मुलब्बब सुबू है
पता एक का दो में क्यूँ कर मिलेगा
जो कसरत फ़ना हो तो ख़ुद तू ही तू है
नहीं ग़ैर कोई तशख़्ख़ुस का पर्दा
मन-ओ-तू फ़क़त ग़ैर की गुफ़्तुगू है
है ख़ुद आप मौजूद हर यक सिफ़त से
जुदाई नहीं इस में कुछ मू-ब-मू है
सिफ़त बस्त-ओ-क़ाबिज़ की तुख़्म-ओ-शजर है
जो बू है सो गुल है जो गुल है सो बू है
वो पीर-ए-तरीक़त है कामिल उसी को
ख़ुदा इस के हर आन में रू-ब-रू है
वजूद एक है सूरत उस की मुग़य्यर
है जल्वा उसी का न मैं और तू है
तू 'मरकज़' है आलम में पैदा-ओ-ज़ाहिर
बनाया बनाता है जो कुछ कि तू है
ajab bhuul o hairat jo maḳhlūq ko hai
ḳhudā kī talab shirk kī justujū hai
sharāb-e-mohabbat meñ maḳhmūr huuñ maiñ
piyāla bharā hai mulabbab subū hai
pata ek kā do meñ kyuuñ kar milegā
jo kasrat fanā ho to ḳhud tū hī tū hai
nahīñ ġhair koī tashaḳhḳhus kā parda
man-o-tū faqat ġhair kī guftugū hai
hai ḳhud aap maujūd har yak sifat se
judā.ī nahīñ is meñ kuchh mū-ba-mū hai
sifat bast-o-qābiz kī tuḳhm-o-shajar hai
jo bū hai so gul hai jo gul hai so bū hai
vo pīr-e-tarīqat hai kāmil usī ko
ḳhudā is ke har aan meñ rū-ba-rū hai
vajūd ek hai sūrat us kī muġhayyar
hai jalva usī kā na maiñ aur tū hai
tū 'markaz' hai aalam meñ paidā-o-zāhir
banāyā banātā hai jo kuchh ki tū hai
عجب بھول و حیرت جو مخلوق کو ہے
خدا کی طلب شرک کی جستجو ہے
شراب محبت میں مخمور ہوں میں
پیالہ بھرا ہے ملبب سبو ہے
پتہ ایک کا دو میں کیوں کر ملے گا
جو کثرت فنا ہو تو خود تو ہی تو ہے
نہیں غیر کوئی تشخص کا پردہ
من و تو فقط غیر کی گفتگو ہے
ہے خود آپ موجود ہر یک صفت سے
جدائی نہیں اس میں کچھ مو بہ مو ہے
صفت بسط و قابض کی تخم و شجر ہے
جو بو ہے سو گل ہے جو گل ہے سو بو ہے
وہ پیر طریقت ہے کامل اسی کو
خدا اس کے ہر آن میں روبرو ہے
وجود ایک ہے صورت اس کی مغیر
ہے جلوہ اسی کا نہ میں اور تو ہے
تو مرکزؔ ہے عالم میں پیدا و ظاہر
بنایا بناتا ہے جو کچھ کہ تو ہے