दर-ओ-दीवार पे शक्लें सी बनाने आई
फिर ये बारिश मेरी तन्हाई चुराने आई
ज़िंदगी बाप की मानिंद सज़ा देती है
रहम-दिल माँ की तरह मौत बचाने आई
आज कल फिर दिल-ए-बर्बाद की बातें हैं वही
हम तो समझे थे कि कुछ अक़्ल ठिकाने आई
दिल में आहट सी हुई रूह में दस्तक गूँजी
किस की ख़ुश-बू ये मुझे मेरे सिरहाने आई
मैं ने जब पहले-पहल अपना वतन छोड़ा था
दूर तक मुझ को इक आवाज़ बुलाने आई
तेरी मानिंद तिरी याद भी ज़ालिम निकली
जब भी आई है मिरा दिल ही दुखाने आई
dar-o-dīvār pe shakleñ sī banāne aa.ī
phir ye bārish merī tanhā.ī churāne aa.ī
zindagī baap kī mānind sazā detī hai
rahm-dil maañ kī tarah maut bachāne aa.ī
aaj kal phir dil-e-barbād kī bāteñ haiñ vahī
ham to samjhe the ki kuchh aql Thikāne aa.ī
dil meñ aahaT sī huī ruuh meñ dastak gūñjī
kis kī ḳhush-bū ye mujhe mere sirhāne aa.ī
maiñ ne jab pahle-pahal apnā vatan chhoḌā thā
duur tak mujh ko ik āvāz bulāne aa.ī
terī mānind tirī yaad bhī zālim niklī
jab bhī aa.ī hai mirā dil hī dukhāne aa.ī
در و دیوار پہ شکلیں سی بنانے آئی
پھر یہ بارش میری تنہائی چرانے آئی
زندگی باپ کی مانند سزا دیتی ہے
رحم دل ماں کی طرح موت بچانے آئی
آج کل پھر دل برباد کی باتیں ہیں وہی
ہم تو سمجھے تھے کہ کچھ عقل ٹھکانے آئی
دل میں آہٹ سی ہوئی روح میں دستک گونجی
کس کی خوش بو یہ مجھے میرے سرہانے آئی
میں نے جب پہلے پہل اپنا وطن چھوڑا تھا
دور تک مجھ کو اک آواز بلانے آئی
تیری مانند تری یاد بھی ظالم نکلی
جب بھی آئی ہے مرا دل ہی دکھانے آئی