बादशाही हो कि दरयूज़ा-गरी का मौसम
भूलता ही नहीं वो हम-सफ़री का मौसम
खेतियाँ छालों की होती थीं लहू उगते थे
कितना ज़रख़ेज़ था वो दर-बदरी का मौसम
हिर्ज़-ए-जाँ ठहरे जो सहरा में ठिकाना मिल जाए
बस्तियों में तो है आशुफ़्ता-सरी का मौसम
आओ ज़ख़्मों से फिर इक बार लिपट कर रो लें
वर्ना आने को है अब बख़िया-गरी का मौसम
रोज़-ए-अव्वल से है छाया हुआ मुझ पर अब तक
किर्चियाँ होने का शक़्क़-उल-बशरी का मौसम
अब कभी लौट कर आएगा न शायद 'आजिज़'
डूब कर पीने का दामन की तरी का मौसम
bādshāhī ho ki daryūza-garī kā mausam
bhūltā hī nahīñ vo ham-safarī kā mausam
khetiyāñ chhāloñ kī hotī thiiñ lahū ugte the
kitnā zarḳhez thā vo dar-badarī kā mausam
hirz-e-jāñ Thahre jo sahrā meñ Thikāna mil jaa.e
bastiyoñ meñ to hai āshufta-sarī kā mausam
aao zaḳhmoñ se phir ik baar lipaT kar ro leñ
varna aane ko hai ab baḳhiya-garī kā mausam
roz-e-avval se hai chhāyā huā mujh par ab tak
kirchiyāñ hone kā shaqq-ul-basharī kā mausam
ab kabhī lauT kar aa.egā na shāyad 'ājiz'
Duub kar piine kā dāman kī tarī kā mausam
بادشاہی ہو کہ دریوزہ گری کا موسم
بھولتا ہی نہیں وہ ہم سفری کا موسم
کھیتیاں چھالوں کی ہوتی تھیں لہو اگتے تھے
کتنا زرخیز تھا وہ در بدری کا موسم
حرز جاں ٹھہرے جو صحرا میں ٹھکانہ مل جائے
بستیوں میں تو ہے آشفتہ سری کا موسم
آؤ زخموں سے پھر اک بار لپٹ کر رو لیں
ورنہ آنے کو ہے اب بخیہ گری کا موسم
روز اول سے ہے چھایا ہوا مجھ پر اب تک
کرچیاں ہونے کا شق ابشری کا موسم
اب کبھی لوٹ کر آئے گا نہ شاید عاجزؔ
ڈوب کر پینے کا دامن کی تری کا موسم