ज़माना आया है बे-हिजाबी का आम दीदार-ए-यार होगा
सुकूत था पर्दा-दार जिस का वो राज़ अब आश्कार होगा
गुज़र गया अब वो दौर साक़ी कि छुप के पीते थे पीने वाले
बनेगा सारा जहान मय-ख़ाना हर कोई बादा-ख़्वार होगा
कभी जो आवारा-ए-जुनूँ थे वो बस्तियों में फिर आ बसेंगे
बरहना-पाई वही रहेगी मगर नया ख़ार-ज़ार होगा
सुना दिया गोश-ए-मुंतज़िर को हिजाज़ की ख़ामुशी ने आख़िर
जो अहद सहराइयों से बाँधा गया था फिर उस्तुवार होगा
निकल के सहरा से जिस ने रूमा की सल्तनत को उलट दिया था
सुना है ये क़ुदसियों से मैं ने वो शेर फिर होशियार होगा
किया मिरा तज़्किरा जो साक़ी ने बादा-ख़्वारों की अंजुमन में
तो पीर-ए-मय-ख़ाना सुन के कहने लगा कि मुँह फट है ख़ार होगा
दयार-ए-मग़रिब के रहने वालो ख़ुदा की बस्ती दुकाँ नहीं है
खरा जिसे तुम समझ रहे हो वो अब ज़र-ए-कम-अयार होगा
तुम्हारी तहज़ीब अपने ख़ंजर से आप ही ख़ुद-कुशी करेगी
जो शाख़-ए-नाज़ुक पे आशियाना बनेगा ना-पाएदार होगा
सफ़ीना-ए-बर्ग-ए-गुल बना लेगा क़ाफ़िला मोर-ए-ना-तावाँ का
हज़ार मौजों की हो कशाकश मगर ये दरिया से पार होगा
चमन में लाला दिखाता फिरता है दाग़ अपना कली कली को
ये जानता है कि इस दिखावे से दिल-जलों में शुमार होगा
जो एक था ऐ निगाह तू ने हज़ार कर के हमें दिखाया
यही अगर कैफ़ियत है तेरी तो फिर किसे ए'तिबार होगा
कहा जो क़मरी से मैं ने इक दिन यहाँ के आज़ाद पा-ब-गिल हैं
तो ग़ुंचे कहने लगे हमारे चमन का ये राज़दार होगा
ख़ुदा के आशिक़ तो हैं हज़ारों बनों में फिरते हैं मारे मारे
मैं उस का बंदा बनूँगा जिस को ख़ुदा के बंदों से प्यार होगा
ये रस्म-ए-बरहम फ़ना है ऐ दिल गुनाह है जुम्बिश-ए-नज़र भी
रहेगी क्या आबरू हमारी जो तू यहाँ बे-क़रार होगा
मैं ज़ुल्मत-ए-शब में ले के निकलूँगा अपने दरमाँदा कारवाँ को
शह निशाँ होगी आह मेरी नफ़स मिरा शो'ला बार होगा
नहीं है ग़ैर-अज़ नुमूद कुछ भी जो मुद्दआ तेरी ज़िंदगी का
तू इक नफ़स में जहाँ से मिटना तुझे मिसाल-ए-शरार होगा
न पूछ 'इक़बाल' का ठिकाना अभी वही कैफ़ियत है उस की
कहीं सर-ए-रहगुज़ार बैठा सितम-कश-ए-इंतिज़ार होगा
zamāna aayā hai be-hijābī kā aam dīdār-e-yār hogā
sukūt thā parda-dār jis kā vo raaz ab āshkār hogā
guzar gayā ab vo daur saaqī ki chhup ke piite the piine vaale
banegā saarā jahān mai-ḳhāna har koī bāda-ḳhvār hogā
kabhī jo āvāra-e-junūñ the vo bastiyoñ meñ phir aa baseñge
barahna-pā.ī vahī rahegī magar nayā ḳhār-zār hogā
sunā diyā gosh-e-muntazir ko hijāz kī ḳhāmushī ne āḳhir
jo ahd sahrā.iyoñ se bāñdhā gayā thā phir ustuvār hogā
nikal ke sahrā se jis ne ruumā kī saltanat ko ulaT diyā thā
sunā hai ye qudsiyoñ se maiñ ne vo sher phir hoshiyār hogā
kiyā mirā tazkira jo saaqī ne bāda-ḳhvāroñ kī anjuman meñ
to pīr-e-mai-ḳhāna sun ke kahne lagā ki muñh phaT hai ḳhaar hogā
dayār-e-maġhrib ke rahne vaalo ḳhudā kī bastī dukāñ nahīñ hai
kharā jise tum samajh rahe ho vo ab zar-e-kam-ayār hogā
tumhārī tahzīb apne ḳhanjar se aap hī ḳhud-kushī karegī
jo shāḳh-e-nāzuk pe āshiyāna banegā nā-pā.edār hogā
safīna-e-barg-e-gul banā legā qāfila mor-e-nā-tavāñ kā
hazār maujoñ kī ho kashākash magar ye dariyā se paar hogā
chaman meñ laala dikhātā phirtā hai daaġh apnā kalī kalī ko
ye jāntā hai ki is dikhāve se dil-jaloñ meñ shumār hogā
jo ek thā ai nigāh tū ne hazār kar ke hameñ dikhāyā
yahī agar kaifiyat hai terī to phir kise e'tibār hogā
kahā jo qamrī se maiñ ne ik din yahāñ ke āzād pā-ba-gil haiñ
to ġhunche kahne lage hamāre chaman kā ye rāzdār hogā
ḳhudā ke āshiq to haiñ hazāroñ banoñ meñ phirte haiñ maare maare
maiñ us kā banda banūñgā jis ko ḳhudā ke bandoñ se pyaar hogā
ye rasm-e-barham fanā hai ai dil gunāh hai jumbish-e-nazar bhī
rahegī kyā aabrū hamārī jo tū yahāñ be-qarār hogā
maiñ zulmat-e-shab meñ le ke niklūñgā apne darmāñda kārvāñ ko
shah nishāñ hogī aah merī nafas mirā sho.ala baar hogā
nahīñ hai ġhair-az numūd kuchh bhī jo mudda.ā terī zindagī kā
tū ik nafas meñ jahāñ se miTnā tujhe misāl-e-sharār hogā
na pūchh 'iqbāl' kā Thikāna abhī vahī kaifiyat hai us kī
kahīñ sar-e-rahguzār baiThā sitam-kash-e-intizār hogā
زمانہ آیا ہے بے حجابی کا عام دیدار یار ہوگا
سکوت تھا پردہ دار جس کا وہ راز اب آشکار ہوگا
گزر گیا اب وہ دور ساقی کہ چھپ کے پیتے تھے پینے والے
بنے گا سارا جہان مے خانہ ہر کوئی بادہ خوار ہوگا
کبھی جو آوارۂ جنوں تھے وہ بستیوں میں پھر آ بسیں گے
برہنہ پائی وہی رہے گی مگر نیا خار زار ہوگا
سنا دیا گوش منتظر کو حجاز کی خامشی نے آخر
جو عہد صحرائیوں سے باندھا گیا تھا پھر استوار ہوگا
نکل کے صحرا سے جس نے روما کی سلطنت کو الٹ دیا تھا
سنا ہے یہ قدسیوں سے میں نے وہ شیر پھر ہوشیار ہوگا
کیا مرا تذکرہ جو ساقی نے بادہ خواروں کی انجمن میں
تو پیر مے خانہ سن کے کہنے لگا کہ منہ پھٹ ہے خار ہوگا
دیار مغرب کے رہنے والو خدا کی بستی دکاں نہیں ہے
کھرا جسے تم سمجھ رہے ہو وہ اب زر کم عیار ہوگا
تمہاری تہذیب اپنے خنجر سے آپ ہی خودکشی کرے گی
جو شاخ نازک پہ آشیانہ بنے گا ناپائیدار ہوگا
سفینۂ برگ گل بنا لے گا قافلہ مور ناتواں کا
ہزار موجوں کی ہو کشاکش مگر یہ دریا سے پار ہوگا
چمن میں لالہ دکھاتا پھرتا ہے داغ اپنا کلی کلی کو
یہ جانتا ہے کہ اس دکھاوے سے دل جلوں میں شمار ہوگا
جو ایک تھا اے نگاہ تو نے ہزار کر کے ہمیں دکھایا
یہی اگر کیفیت ہے تیری تو پھر کسے اعتبار ہوگا
کہا جو قمری سے میں نے اک دن یہاں کے آزاد پا بہ گل ہیں
تو غنچے کہنے لگے ہمارے چمن کا یہ رازدار ہوگا
خدا کے عاشق تو ہیں ہزاروں بنوں میں پھرتے ہیں مارے مارے
میں اس کا بندہ بنوں گا جس کو خدا کے بندوں سے پیار ہوگا
یہ رسم برہم فنا ہے اے دل گناہ ہے جنبش نظر بھی
رہے گی کیا آبرو ہماری جو تو یہاں بے قرار ہوگا
میں ظلمت شب میں لے کے نکلوں گا اپنے درماندہ کارواں کو
شہہ نشاں ہوگی آہ میری نفس مرا شعلہ بار ہوگا
نہیں ہے غیر از نمود کچھ بھی جو مدعا تیری زندگی کا
تو اک نفس میں جہاں سے مٹنا تجھے مثال شرار ہوگا
نہ پوچھ اقبالؔ کا ٹھکانہ ابھی وہی کیفیت ہے اس کی
کہیں سر رہ گزار بیٹھا ستم کش انتظار ہوگا