ये तकल्लुफ़ ये मुदारात समझ में आए
हो जुदाई तो मुलाक़ात समझ में आए
रूह की प्यास फुवारों से कहीं बुझती है
टूट के बरसे तो बरसात समझ में आए
जागते लब मिरे और उस की झपकती आँखें
नींद आए तो कहाँ बात समझ में आए
ली थी मौहूम तहफ़्फ़ुज़ के घरौंदे में पनाह
रेत जब बिखरी तो हालात समझ में आए
उँगलियाँ जिस्म के सब ऐब-ओ-हुनर जानती हैं
लम्स जागे तो इक इक बात समझ में आए
सैकड़ों हाथ मिरे क़त्ल में ठहरे हैं शरीक
एक दो हों तो कोई बात समझ में आए
कभी उतरा ही नहीं उस के तकल्लुफ़ का लिबास
हो बरहना तो मुलाक़ात समझ में आए
कोई आसाँ नहीं जल जल के सहर कर लेना
शम्अ बन जाओ तो फिर रात समझ में आए
तुम किसी रेत के टीले पे खड़े हो 'इबरत'
उठ्ठे तूफ़ाँ तो फिर औक़ात समझ में आए
ye takalluf ye mudārāt samajh meñ aa.e
ho judā.ī to mulāqāt samajh meñ aa.e
ruuh kī pyaas phuvāroñ se kahīñ bujhtī hai
TuuT ke barse to barsāt samajh meñ aa.e
jāgte lab mire aur us kī jhapaktī āñkheñ
niiñd aa.e to kahāñ baat samajh meñ aa.e
lī thī mauhūm tahaffuz ke gharauñde meñ panāh
ret jab bikhrī to hālāt samajh meñ aa.e
uñgliyāñ jism ke sab aib-o-hunar jāntī haiñ
lams jaage to ik ik baat samajh meñ aa.e
saikḌoñ haath mire qatl meñ Thahre haiñ sharīk
ek do hoñ to koī baat samajh meñ aa.e
kabhī utrā hī nahīñ us ke takalluf kā libās
ho barahna to mulāqāt samajh meñ aa.e
koī āsāñ nahīñ jal jal ke sahar kar lenā
sham.a ban jaao to phir raat samajh meñ aa.e
tum kisī ret ke Tiile pe khaḌe ho 'ibrat'
uTThe tūfāñ to phir auqāt samajh meñ aa.e
یہ تکلف یہ مدارات سمجھ میں آئے
ہو جدائی تو ملاقات سمجھ میں آئے
روح کی پیاس پھواروں سے کہیں بجھتی ہے
ٹوٹ کے برسے تو برسات سمجھ میں آئے
جاگتے لب مرے اور اس کی جھپکتی آنکھیں
نیند آئے تو کہاں بات سمجھ میں آئے
لی تھی موہوم تحفظ کے گھروندے میں پناہ
ریت جب بکھری تو حالات سمجھ میں آئے
انگلیاں جسم کے سب عیب و ہنر جانتی ہیں
لمس جاگے تو اک اک بات سمجھ میں آئے
سیکڑوں ہاتھ مرے قتل میں ٹھہرے ہیں شریک
ایک دو ہوں تو کوئی بات سمجھ میں آئے
کبھی اترا ہی نہیں اس کے تکلف کا لباس
ہو برہنہ تو ملاقات سمجھ میں آئے
کوئی آساں نہیں جل جل کے سحر کر لینا
شمع بن جاؤ تو پھر رات سمجھ میں آئے
تم کسی ریت کے ٹیلے پہ کھڑے ہو عبرتؔ
اٹھے طوفاں تو پھر اوقات سمجھ میں آئے