वो मेरे क़ल्ब-ओ-रूह को शादाब कर गया
फिर इस तरह गया मुझे बेताब कर गया
काजल भी नींद का मिरी आँखों से ले उड़ा
ख़्वाबों में आ के वो मुझे बे-ख़्वाब कर गया
उस ने तो इज़्तिराब के मा'नी सुझा दिए
ऐसी निगाह की मुझे बेताब कर गया
जिंस-ए-गिराँ समझ के नहीं देखता कोई
मुझ को वो एक जौहर-ए-नायाब कर गया
जौफ़-ए-सदफ़ समझ के पड़ी अब्र की नज़र
थी सत्ह-ए-आब पर वो तह-ए-आब कर गया
बाक़ी रहे न बाम-ओ-दरीचे न ही फ़सील
क्या हाल मेरे दिल का ये सैलाब कर गया
साहिर था देवता था कोई बुत-तराश था
पत्थर थी एक 'बानो' वो सीमाब कर गया
vo mere qalb-o-rūh ko shādāb kar gayā
phir is tarah gayā mujhe betāb kar gayā
kājal bhī niiñd kā mirī āñkhoñ se le uḌā
ḳhvāboñ meñ aa ke vo mujhe be-ḳhvāb kar gayā
us ne to iztirāb ke ma.anī sujhā diye
aisī nigāh kī mujhe betāb kar gayā
jins-e-girāñ samajh ke nahīñ dekhtā koī
mujh ko vo ek jauhar-e-nāyāb kar gayā
jauf-e-sadaf samajh ke paḌī abr kī nazar
thī sat.h-e-āb par vo tah-e-āb kar gayā
baaqī rahe na bām-o-darīche na hī fasīl
kyā haal mere dil kā ye sailāb kar gayā
sāhir thā devtā thā koī but-tarāsh thā
patthar thī ek 'bāno' vo sīmāb kar gayā
وہ میرے قلب و روح کو شاداب کر گیا
پھر اس طرح گیا مجھے بیتاب کر گیا
کاجل بھی نیند کا مری آنکھوں سے لے اڑا
خوابوں میں آ کے وہ مجھے بے خواب کر گیا
اس نے تو اضطراب کے معنی سجھا دیے
ایسی نگاہ کی مجھے بیتاب کر گیا
جنس گراں سمجھ کے نہیں دیکھتا کوئی
مجھ کو وہ ایک جوہر نایاب کر گیا
جوف صدف سمجھ کے پڑی ابر کی نظر
تھی سطح آب پر وہ تہہ آب کر گیا
باقی رہے نہ بام و دریچے نہ ہی فصیل
کیا حال میرے دل کا یہ سیلاب کر گیا
ساحر تھا دیوتا تھا کوئی بت تراش تھا
پتھر تھی ایک بانوؔ وہ سیماب کر گیا