वक़्त की तेज़ रवी देख के डर जाते हैं
लोग जीते हैं कुछ इस तरह कि मर जाते हैं
ज़िंदगानी तिरी अज़्मत को बढ़ाने वाले
मुस्कुराते हुए मक़्तल से गुज़र जाते हैं
बज़्म याराँ हो कि दश्त-ए-शब-ए-तन्हाई हो
ज़ख़्म भरने पे जब आते हैं तो भर जाते हैं
ये शब-ओ-रोज़ भी औराक़-ए-परेशाँ की तरह
बारहा वक़्त की आँधी में बिखर जाते हैं
कितनी यादों से उलझती है मिरी तन्हाई
कितने तूफ़ान मिरे सर से गुज़र जाते हैं
दूर रह कर भी कभी शिकवा-ए-दूरी न रहा
आप ही आप हैं जिस सम्त जिधर जाते हैं
अपनी पलकों पे सजाए हुए अश्कों के चराग़
कुछ तो कहिए कि 'रईस' आप किधर जाते हैं
vaqt kī tez ravī dekh ke Dar jaate haiñ
log jiite haiñ kuchh is tarah ki mar jaate haiñ
zindagānī tirī azmat ko baḌhāne vaale
muskurāte hue maqtal se guzar jaate haiñ
bazm yārāñ ho ki dasht-e-shab-e-tanhā.ī ho
zaḳhm bharne pe jab aate haiñ to bhar jaate haiñ
ye shab-o-roz bhī aurāq-e-pareshāñ kī tarah
bārhā vaqt kī āñdhī meñ bikhar jaate haiñ
kitnī yādoñ se ulajhtī hai mirī tanhā.ī
kitne tūfān mire sar se guzar jaate haiñ
duur rah kar bhī kabhī shikva-e-dūrī na rahā
aap hī aap haiñ jis samt jidhar jaate haiñ
apnī palkoñ pe sajā.e hue ashkoñ ke charāġh
kuchh to kahiye ki 'ra.īs' aap kidhar jaate haiñ
وقت کی تیز روی دیکھ کے ڈر جاتے ہیں
لوگ جیتے ہیں کچھ اس طرح کہ مر جاتے ہیں
زندگانی تری عظمت کو بڑھانے والے
مسکراتے ہوئے مقتل سے گزر جاتے ہیں
بزم یاراں ہو کہ دشت شب تنہائی ہو
زخم بھرنے پہ جب آتے ہیں تو بھر جاتے ہیں
یہ شب و روز بھی اوراق پریشاں کی طرح
بارہا وقت کی آندھی میں بکھر جاتے ہیں
کتنی یادوں سے الجھتی ہے مری تنہائی
کتنے طوفان مرے سر سے گزر جاتے ہیں
دور رہ کر بھی کبھی شکوۂ دوری نہ رہا
آپ ہی آپ ہیں جس سمت جدھر جاتے ہیں
اپنی پلکوں پہ سجائے ہوئے اشکوں کے چراغ
کچھ تو کہئے کہ رئیسؔ آپ کدھر جاتے ہیں