उस ने देखा जो मुझे आलम-ए-हैरानी में
गिर पड़ा हाथ से आईना परेशानी में
आ गए हो तो बराबर ही में ख़ेमा कर लो
मैं तो रहता हूँ इसी बे-सर-ओ-सामानी में
इस क़दर ग़ौर से मत देख भँवर की जानिब
तू भी चकरा के न गिर जाए कहीं पानी में
कभी देखा ही नहीं इस ने परेशाँ मुझ को
मैं कि रहता हूँ सदा अपनी निगहबानी में
वो मिरा दोस्त था दुश्मन तो नहीं था 'फ़ैसल'
मैं ने हर बात बता दी उसे नादानी में
us ne dekhā jo mujhe ālam-e-hairānī meñ
gir paḌā haath se ā.īna pareshānī meñ
aa ga.e ho to barābar hī meñ ḳhema kar lo
maiñ to rahtā huuñ isī be-sar-o-sāmānī meñ
is qadar ġhaur se mat dekh bhañvar kī jānib
tū bhī chakrā ke na gir jaa.e kahīñ paanī meñ
kabhī dekhā hī nahīñ is ne pareshāñ mujh ko
maiñ ki rahtā huuñ sadā apnī nigahbānī meñ
vo mirā dost thā dushman to nahīñ thā 'faisal'
maiñ ne har baat batā dī use nādānī meñ
اس نے دیکھا جو مجھے عالم حیرانی میں
گر پڑا ہاتھ سے آئینہ پریشانی میں
آ گئے ہو تو برابر ہی میں خیمہ کر لو
میں تو رہتا ہوں اسی بے سر و سامانی میں
اس قدر غور سے مت دیکھ بھنور کی جانب
تو بھی چکرا کے نہ گر جائے کہیں پانی میں
کبھی دیکھا ہی نہیں اس نے پریشاں مجھ کو
میں کہ رہتا ہوں سدا اپنی نگہبانی میں
وہ مرا دوست تھا دشمن تو نہیں تھا فیصلؔ
میں نے ہر بات بتا دی اسے نادانی میں