तुम जो दामन ज़रा भिगो लेते
हम भी कुछ देर खुल के रो लेते
इक तिरी याद जो हमारी थी
इक तिरा दर्द जो बिछो लेते
आलम-ए-मस्ती-ओ-तरब में रहे
ख़ाक की तीरगी में सो लेते
हर्फ़ ख़ुशबू के रंग में लिखती
फूल गजरों में जो पिरो लेते
ना-रसाई तो ख़ैर क़िस्मत थी
और क्या बच गया जो खो लेते
कूँज कर ला रही थी सहरा में
आब-ओ-दाना वहाँ भी बो लेते
मिट रही हूँ रह-ए-हज़ीमत में
अपने हाथों से ही डुबो लेते
रात की शाल ओढ़ कर यूँ हम
रेग-ए-राह-ए-रवाँ ही हो लेते
साँस अपनी महक महक जाती
हाथ से फूल तेरे जो लेते
tum jo dāman zarā bhigo lete
ham bhī kuchh der khul ke ro lete
ik tirī yaad jo hamārī thī
ik tirā dard jo bichho lete
ālam-e-mastī-o-tarab meñ rahe
ḳhaak kī tīrgī meñ so lete
harf ḳhushbū ke rang meñ likhtī
phuul gajroñ meñ jo piro lete
nā-rasā.ī to ḳhair qismat thī
aur kyā bach gayā jo kho lete
kuuñj kar lā rahī thī sahrā meñ
āb-o-dāna vahāñ bhī bo lete
miT rahī huuñ rah-e-hazīmat meñ
apne hāthoñ se hī Dubo lete
raat kī shaal oḌh kar yuuñ ham
reg-e-rāh-e-ravāñ hī ho lete
saañs apnī mahak mahak jaatī
haath se phuul tere jo lete
تم جو دامن ذرا بھگو لیتے
ہم بھی کچھ دیر کھل کے رو لیتے
اک تری یاد جو ہماری تھی
اک ترا درد جو بچھو لیتے
عالم مستی و طرب میں رہے
خاک کی تیرگی میں سو لیتے
حرف خوشبو کے رنگ میں لکھتی
پھول گجروں میں جو پرو لیتے
نارسائی تو خیر قسمت تھی
اور کیا بچ گیا جو کھو لیتے
کونج کر لا رہی تھی صحرا میں
آب و دانہ وہاں بھی بو لیتے
مٹ رہی ہوں رہ ہزیمت میں
اپنے ہاتھوں سے ہی ڈبو لیتے
رات کی شال اوڑھ کر یوں ہم
ریگ راہ رواں ہی ہو لیتے
سانس اپنی مہک مہک جاتی
ہاتھ سے پھول تیرے جو لیتے