सियाह शाल पे जो अश्क काढ़ता होगा
किसे ख़बर थी उसे मुझ से मसअला होगा
जो मेरे होते बिछड़ने की बात करता था
मिरी जुदाई में इक बार रो दिया होगा
ज़मीं पे फैले ये काग़ज़ गवाही देते हैं
वो कुछ न कुछ तो मिरे नाम लिख रहा होगा
फ़ज़ा उदास है महताब है मलूल कि अब
वो ज़र्द चेहरे को हाथों में भर रहा होगा
मैं इस लिए भी बहुत मुतमइन थी दूरी से
वो दूर होगा मगर मुझ को देखता होगा
मुझे भी दूसरे काँधे ने कुछ सहारा दिया
कहीं से मौक़ा उसे भी तो मिल गया होगा
siyāh shaal pe jo ashk kāḌhtā hogā
kise ḳhabar thī use mujh se mas.ala hogā
jo mere hote bichhaḌne kī baat kartā thā
mirī judā.ī meñ ik baar ro diyā hogā
zamīñ pe phaile ye kāġhaz gavāhī dete haiñ
vo kuchh na kuchh to mire naam likh rahā hogā
fazā udaas hai mahtāb hai malūl ki ab
vo zard chehre ko hāthoñ meñ bhar rahā hogā
maiñ is liye bhī bahut mutma.in thī duurī se
vo duur hogā magar mujh ko dekhtā hogā
mujhe bhī dūsre kāñdhe ne kuchh sahārā diyā
kahīñ se mauqa use bhī to mil gayā hogā
سیاہ شال پہ جو اشک کاڑھتا ہوگا
کسے خبر تھی اسے مجھ سے مسئلہ ہوگا
جو میرے ہوتے بچھڑنے کی بات کرتا تھا
مری جدائی میں اک بار رو دیا ہوگا
زمیں پہ پھیلے یہ کاغذ گواہی دیتے ہیں
وہ کچھ نہ کچھ تو مرے نام لکھ رہا ہوگا
فضا اداس ہے مہتاب ہے ملول کہ اب
وہ زرد چہرے کو ہاتھوں میں بھر رہا ہوگا
میں اس لیے بھی بہت مطمئن تھی دوری سے
وہ دور ہوگا مگر مجھ کو دیکھتا ہوگا
مجھے بھی دوسرے کاندھے نے کچھ سہارا دیا
کہیں سے موقع اسے بھی تو مل گیا ہوگا