सीना है एक यास का सहरा लिए हुए
दिल रंग-ए-गुलसितान-ए-तमन्ना लिए हुए
है आह दर्द-ओ-सोज़ की दुनिया लिए हुए
तूफ़ान-ए-अश्क-ए-ख़ून है गिर्या लिए हुए
इक कुश्ता-ए-फ़िराक़ की तुर्बत पे नौहागर
दाग़-ए-जिगर में शम-ए-तमन्ना लिए हुए
मैं इक तरफ़ हूँ शक्ल-ए-ख़िज़ाँ पाएमाल-ए-यास
इक सम्त वो बहार का जल्वा लिए हुए
जाना सँभल के ऐ दिल-ए-बेताब बज़्म में
है चश्म-ए-नाज़ महशर-ए-ग़म-ज़ा लिए हुए
सोज़ाँ न ये चमन हो मिरे नूर-ए-आह से
ओ गुलशन-ए-जमाल का जल्वा लिए हुए
मजनूँ से तो हक़ीक़त-ए-सहरा-ए-नज्द पूछ
है ज़र्रा ज़र्रा जल्वा-ए-लैला लिए हुए
इश्क़-ए-जुनूँ-नवाज़ रहा बज़्म-ए-नाज़ में
इक इज़तिराब-ओ-शौक़ की दुनिया लिए हुए
मेरी तो हर निगाह है वक़्फ़-ए-उबूदियत
वो हर अदा में हुस्न-ए-कलीसा लिए हुए
मरहम से बे-नियाज़ है 'पिंहाँ' ये ज़ख़्म-ए-दिल
क्या क्या फ़ुसूँ है चश्म-ए-दिल-आरा लिए हुए
siina hai ek yaas kā sahrā liye hue
dil rañg-e-gulsitān-e-tamannā liye hue
hai aah dard-o-soz kī duniyā liye hue
tūfān-e-ashk-e-ḳhūn hai girya liye hue
ik kushta-e-firaq kī turbat pe nauhagar
dāġh-e-jigar meñ sham-e-tamannā liye hue
maiñ ik taraf huuñ shakl-e-ḳhizāñ pā.emāl-e-yās
ik samt vo bahār kā jalva liye hue
jaanā sambhal ke ai dil-e-betāb bazm meñ
hai chashm-e-nāz mahshar-e-ġham-zā liye hue
sozāñ na ye chaman ho mire nūr-e-āh se
o gulshan-e-jamāl kā jalva liye hue
majnūñ se to haqīqat-e-sahrā-e-najd pūchh
hai zarra zarra jalva-e-lailā liye hue
ishq-e-junūñ-navāz rahā bazm-e-nāz meñ
ik iztirāb-o-shauq kī duniyā liye hue
merī to har nigāh hai vaqf-e-ubūdiyat
vo har adā meñ husn-e-kalīsā liye hue
marham se be-niyāz hai 'pinhāñ' ye zaḳhm-e-dil
kyā kyā fusūñ hai chashm-e-dil-ārā liye hue
سینہ ہے ایک یاس کا صحرا لیے ہوئے
دل رنگ گلستان تمنا لئے ہوئے
ہے آہ درد و سوز کی دنیا لیے ہوئے
طوفان اشک خون ہے گریہ لئے ہوئے
اک کشتۂ فراق کی تربت پہ نوحہ گر
داغ جگر میں شمع تمنا لئے ہوئے
میں اک طرف ہوں شکل خزاں پائمال یاس
اک سمت وہ بہار کا جلوہ لئے ہوئے
جانا سنبھل کے اے دل بیتاب بزم میں
ہے چشم ناز محشر غم زا لئے ہوئے
سوزاں نہ یہ چمن ہو مرے نور آہ سے
او گلشن جمال کا جلوہ لئے ہوئے
مجنوں سے تو حقیقت صحرائے نجد پوچھ
ہے ذرہ ذرہ جلوۂ لیلیٰ لئے ہوئے
عشق جنوں نواز رہا بزم ناز میں
اک اضطراب و شوق کی دنیا لئے ہوئے
میری تو ہر نگاہ ہے وقف عبودیت
وہ ہر ادا میں حسن کلیسا لئے ہوئے
مرہم سے بے نیاز ہے پنہاںؔ یہ زخم دل
کیا کیا فسوں ہے چشم دل آرا لئے ہوئے