शहर-ए-ग़ज़ल में बिकने को तय्यार कौन है
यूसुफ़ नहीं तो ज़ीनत-ए-बाज़ार कौन है
सब के लबों पे नारा-ए-मंसूर है मगर
ये देखना है आज सर-ए-दार कौन है
अपना ज़मीर झूट कभी बोलता नहीं
तुम ही कहो कि साहब-ए-किरदार कौन है
तर्क-ए-तअल्लुक़ात को इक उम्र हो गई
तन्हाइयों में माइल-ए-गुफ़्तार कौन है
तस्वीरें रोज़ बनती हैं शे'रों की शक्ल में
मेरे तसव्वुरात का शहकार कौन है
जलने को शम्अ' भी जली परवाना भी जला
कैसे कहें कि किस का वफ़ादार कौन है
हम लोग ख़ानक़ाहों में जाएँगे किस तरह
सब पारसा हैं हम सा गुनहगार कौन है
अश्कों के फूल ले के मैं निकला तो हूँ 'रईस'
ये देखना है उन का ख़रीदार कौन है
shahr-e-ġhazal meñ bikne ko tayyār kaun hai
yūsuf nahīñ to zīnat-e-bāzār kaun hai
sab ke laboñ pe na.ara-e-mansūr hai magar
ye dekhnā hai aaj sar-e-dār kaun hai
apnā zamīr jhuuT kabhī boltā nahīñ
tum hī kaho ki sāhab-e-kirdār kaun hai
tark-e-ta.alluqāt ko ik umr ho ga.ī
tanhā.iyoñ meñ mā.il-e-guftār kaun hai
tasvīreñ roz bantī haiñ sheroñ kī shakl meñ
mere tasavvurāt kā shahkār kaun hai
jalne ko sham.a bhī jalī parvāna bhī jalā
kaise kaheñ ki kis kā vafādār kaun hai
ham log ḳhānqāhoñ meñ jā.eñge kis tarah
sab pārsā haiñ ham sā gunahgār kaun hai
ashkoñ ke phuul le ke maiñ niklā to huuñ 'ra.īs'
ye dekhnā hai un kā ḳharīdār kaun hai
شہر غزل میں بکنے کو تیار کون ہے
یوسف نہیں تو زینت بازار کون ہے
سب کے لبوں پہ نعرۂ منصور ہے مگر
یہ دیکھنا ہے آج سر دار کون ہے
اپنا ضمیر جھوٹ کبھی بولتا نہیں
تم ہی کہو کہ صاحب کردار کون ہے
ترک تعلقات کو اک عمر ہو گئی
تنہائیوں میں مائل گفتار کون ہے
تصویریں روز بنتی ہیں شعروں کی شکل میں
میرے تصورات کا شہکار کون ہے
جلنے کو شمع بھی جلی پروانہ بھی جلا
کیسے کہیں کہ کس کا وفادار کون ہے
ہم لوگ خانقاہوں میں جائیں گے کس طرح
سب پارسا ہیں ہم سا گنہ گار کون ہے
اشکوں کے پھول لے کے میں نکلا تو ہوں رئیسؔ
یہ دیکھنا ہے ان کا خریدار کون ہے