शाम ख़ामोश है पेड़ों पे उजाला कम है
लौट आए हैं सभी एक परिंदा कम है
देख कर सूख गया कैसे बदन का पानी
मैं न कहता था मिरी प्यास से दरिया कम है
ख़ुद से मिलने की कभी गाँव में फ़ुर्सत न मिली
शहर आए हैं यहाँ मिलना-मिलाना कम है
आज क्यूँ आँखों में पहले से नहीं हैं आँसू
आज क्या बात है क्यूँ मौज में दरिया कम है
अपने मेहमान को पलकों पे बिठा लेती है
मुफ़्लिसी जानती है घर मैं बिछौना कम है
बस यही सोच के करने लगे हिजरत आँसू
अपनी लाशों के मुक़ाबिल यहाँ कांधा कम है
दिल की हर बात ज़बाँ पर नहीं आती है 'फहीम'
मैं ने सोचा है ज़ियादा उसे लिक्खा कम है
shaam ḳhāmosh hai peḌoñ pe ujālā kam hai
lauT aa.e haiñ sabhī ek parinda kam hai
dekh kar suukh gayā kaise badan kā paanī
maiñ na kahtā thā mirī pyaas se dariyā kam hai
ḳhud se milne kī kabhī gaañv meñ fursat na milī
shahr aa.e haiñ yahāñ milnā-milānā kam hai
aaj kyuuñ āñkhoñ meñ pahle se nahīñ haiñ aañsū
aaj kyā baat hai kyuuñ mauj meñ dariyā kam hai
apne mehmān ko palkoñ pe biThā letī hai
muflisī jāntī hai ghar maiñ bichhaunā kam hai
bas yahī soch ke karne lage hijrat aañsū
apnī lāshoñ ke muqābil yahāñ kāñdhā kam hai
dil kī har baat zabāñ par nahīñ aatī hai 'fahīm'
maiñ ne sochā hai ziyāda use likkhā kam hai
شام خاموش ہے پیڑوں پہ اجالا کم ہے
لوٹ آئے ہیں سبھی ایک پرندہ کم ہے
دیکھ کر سوکھ گیا کیسے بدن کا پانی
میں نہ کہتا تھا مری پیاس سے دریا کم ہے
خود سے ملنے کی کبھی گاؤں میں فرصت نہ ملی
شہر آئے ہیں یہاں ملنا ملانا کم ہے
آج کیوں آنکھوں میں پہلے سے نہیں ہیں آنسو
آج کیا بات ہے کیوں موج میں دریا کم ہے
اپنے مہمان کو پلکوں پہ بٹھا لیتی ہے
مفلسی جانتی ہے گھر میں بچھونا کم ہے
بس یہی سوچ کے کرنے لگے ہجرت آنسو
اپنی لاشوں کے مقابل یہاں کاندھا کم ہے
دل کی ہر بات زباں پر نہیں آتی ہے فہیمؔ
میں نے سوچا ہے زیادہ اسے لکھا کم ہے