शाम बे-कैफ़ सही शाम है ढल जाएगी
दिन भी निकलेगा तबीअ'त भी सँभल जाएगी
इस क़दर तेज़ है दिल में मिरे उम्मीद की लौ
ना-उमीदी मिरे पास आई तो जल जाएगी
नर्म शानों पे न बिखराव घनेरी ज़ुल्फ़ें
इन घटाओं से शब-ए-तार दहल जाएगी
मस्त आँखों के दरीचों से न झाँका कीजे
जाम टकराएँगे मय-ख़्वारों में चल जाएगी
बन-सँवर कर मुझे समझाने न आओ वर्ना
फिर तमन्ना-ए-दिल-ए-ज़ार मचल जाएगी
माह-ए-नौ देखने तुम छत पे न जाना हरगिज़
शहर में ईद की तारीख़ बदल जाएगी
इतना सज-धज के अयादत को न आया कीजे
वर्ना कुछ सोच के ये जान निकल जाएगी
क्यों परेशाँ हो शब-ए-हिज्र की आमद पे 'जलील'
गर्दिश-ए-वक़्त है आज आई है कल जाएगी
shaam be-kaif sahī shaam hai Dhal jā.egī
din bhī niklegā tabī.at bhī sambhal jā.egī
is qadar tez hai dil meñ mire ummīd kī lau
nā-umīdī mire paas aa.ī to jal jā.egī
narm shānoñ pe na bikhrāv ghanerī zulfeñ
in ghaTāoñ se shab-e-tār dahal jā.egī
mast āñkhoñ ke darīchoñ se na jhāñkā kiije
jaam Takrā.eñge mai-ḳhvāroñ meñ chal jā.egī
ban-sañvar kar mujhe samjhāne na aao varna
phir tamannā-e-dil-e-zār machal jā.egī
māh-e-nau dekhne tum chhat pe na jaanā hargiz
shahr meñ eid kī tārīḳh badal jā.egī
itnā saj-dhaj ke ayādat ko na aayā kiije
varna kuchh soch ke ye jaan nikal jā.egī
kyoñ pareshāñ ho shab-e-hijr kī aamad pe 'jalīl'
gardish-e-vaqt hai aaj aa.ī hai kal jā.egī
شام بے کیف سہی شام ہے ڈھل جائے گی
دن بھی نکلے گا طبیعت بھی سنبھل جائے گی
اس قدر تیز ہے دل میں مرے امید کی لو
ناامیدی مرے پاس آئی تو جل جائے گی
نرم شانوں پہ نہ بکھراؤ گھنیری زلفیں
ان گھٹاؤں سے شب تار دہل جائے گی
مست آنکھوں کے دریچوں سے نہ جھانکا کیجے
جام ٹکرائیں گے مے خواروں میں چل جائے گی
بن سنور کر مجھے سمجھانے نہ آؤ ورنہ
پھر تمنائے دل زار مچل جائے گی
ماہ نو دیکھنے تم چھت پہ نہ جانا ہرگز
شہر میں عید کی تاریخ بدل جائے گی
اتنا سج دھج کے عیادت کو نہ آیا کیجے
ورنہ کچھ سوچ کے یہ جان نکل جائے گی
کیوں پریشاں ہو شب ہجر کی آمد پہ جلیلؔ
گردش وقت ہے آج آئی ہے کل جائے گی