रौशनी का क़ालिब जब तीरगी में ढलता है
ख़्वाहिशों के सीने में मेरा दिल मचलता है
रेगज़ार सोचों का सूरजों की ज़द में है
जिस्म आरज़ूओं का हौले हौले जलता है
जब भी कोई हमराही साथ छोड़ जाता है
मुद्दतों ख़याल उस का साथ साथ चलता है
उम्र भर की क़िस्मत कब इतना तो ठहर जाता
जितना एक मुफ़्लिस के घर चराग़ जलता है
इंतिज़ार का सहरा फैलता ही जाता है
इक सराब बन कर वो रास्ते बदलता है
raushnī kā qālib jab tīrgī meñ Dhaltā hai
ḳhvāhishoñ ke siine meñ merā dil machaltā hai
regzār sochoñ kā sūrajoñ kī zad meñ hai
jism ārzūoñ kā haule haule jaltā hai
jab bhī koī hamrāhī saath chhoḌ jaatā hai
muddatoñ ḳhayāl us kā saath saath chaltā hai
umr bhar kī qismat kab itnā to Thahar jaatā
jitnā ek muflis ke ghar charāġh jaltā hai
intizār kā sahrā phailtā hī jaatā hai
ik sarāb ban kar vo rāste badaltā hai
روشنی کا قالب جب تیرگی میں ڈھلتا ہے
خواہشوں کے سینے میں میرا دل مچلتا ہے
ریگزار سوچوں کا سورجوں کی زد میں ہے
جسم آرزوؤں کا ہولے ہولے جلتا ہے
جب بھی کوئی ہم راہی ساتھ چھوڑ جاتا ہے
مدتوں خیال اس کا ساتھ ساتھ چلتا ہے
عمر بھر کی قسمت کب اتنا تو ٹھہر جاتا
جتنا ایک مفلس کے گھر چراغ جلتا ہے
انتظار کا صحرا پھیلتا ہی جاتا ہے
اک سراب بن کر وہ راستے بدلتا ہے