पत्थर की हथेली पे कोई फूल उगा दे
ज़र्रों की तब-ओ-ताब से सूरज को जला दे
अल्फ़ाज़ के सीने में हुमकते हुए ख़ूँ से
काग़ज़ पे किसी ख़्वाब की तस्वीर बना दे
उतरा है पहाड़ों से ग़ज़बनाक अंधेरा
ऐसे में कोई चीख़ के मुझ को न डरा दे
गलियों में हवा रात को रोती है अकेली
फैले हुए जंगल की उसे राह बता दे
है दूर बहुत दूर वो सरसब्ज़ जज़ीरा
जाएगा वहाँ कौन कि थकते हैं इरादे
साहिल पे तिरे साथ था 'फ़िक्री' तो हुआ क्या
मौजों में कभी डूब के तू उस को सदा दे
patthar kī hathelī pe koī phuul ugā de
zarroñ kī tab-o-tāb se sūraj ko jalā de
alfāz ke siine meñ humakte hue ḳhuuñ se
kāġhaz pe kisī ḳhvāb kī tasvīr banā de
utrā hai pahāḌoñ se ġhazabnāk añdherā
aise meñ koī chīḳh ke mujh ko na Darā de
galiyoñ meñ havā raat ko rotī hai akelī
phaile hue jangal kī use raah batā de
hai duur bahut duur vo sarsabz jazīra
jā.egā vahāñ kaun ki thakte haiñ irāde
sāhil pe tire saath thā 'fikrī' to huā kyā
maujoñ meñ kabhī Duub ke tū us ko sadā de
پتھر کی ہتھیلی پہ کوئی پھول اگا دے
ذروں کی تب و تاب سے سورج کو جلا دے
الفاظ کے سینے میں ہمکتے ہوئے خوں سے
کاغذ پہ کسی خواب کی تصویر بنا دے
اترا ہے پہاڑوں سے غضب ناک اندھیرا
ایسے میں کوئی چیخ کے مجھ کو نہ ڈرا دے
گلیوں میں ہوا رات کو روتی ہے اکیلی
پھیلے ہوئے جنگل کی اسے راہ بتا دے
ہے دور بہت دور وہ سرسبز جزیرہ
جائے گا وہاں کون کہ تھکتے ہیں ارادے
ساحل پہ ترے ساتھ تھا فکریؔ تو ہوا کیا
موجوں میں کبھی ڈوب کے تو اس کو صدا دے