पढ़ी गई न वो तहरीर-ए-ग़म जबीनों से
जो पोंछती रही अश्कों को आस्तीनों से
कभी न देगी सहारा शिकस्तगी दिल की
सफ़र न कीजिए टूटे हुए सफ़ीनों से
तिरे ख़याल की बारिश में भीगने के लिए
तरस रहे हैं असीरान-ए-दिल महीनों से
समझ न पाएँगे ये ज़ाहिदान-ए-सादा दिल
दिलों में आग भड़कती है आबगीनों से
शिकस्त-ए-जाम मुक़द्दर को मानने वाले
शराब कोई हो बनती है वो पसीनों से
बुझे चराग़ सितारों के दिल लरज़ उट्ठे
निगार-ए-सुब्ह उतरने लगी है ज़ीनों से
उन्हें सँभालने में उम्र कट गई है 'फहीम'
हमारी सीपियाँ कुछ कम नहीं नगीनों से
paḌhī ga.ī na vo tahrīr-e-ġham jabīnoñ se
jo poñchhtī rahī ashkoñ ko āstīnoñ se
kabhī na degī sahārā shikastagī dil kī
safar na kījiye TuuTe hue safīnoñ se
tire ḳhayāl kī bārish meñ bhīgne ke liye
taras rahe haiñ asīrān-e-dil mahīnoñ se
samajh na pā.eñge ye zāhidān-e-sāda dil
diloñ meñ aag bhaḌaktī hai ābgīnoñ se
shikast-e-jām muqaddar ko mānñe vaale
sharāb koī ho bantī hai vo pasīnoñ se
bujhe charāġh sitāroñ ke dil laraz uTThe
nigār-e-sub.h utarne lagī hai zīnoñ se
unheñ sañbhālne meñ umr kaT ga.ī hai 'fahīm'
hamārī sīpiyāñ kuchh kam nahīñ nagīnoñ se
پڑھی گئی نہ وہ تحریر غم جبینوں سے
جو پونچھتی رہی اشکوں کو آستینوں سے
کبھی نہ دے گی سہارا شکستگی دل کی
سفر نہ کیجیے ٹوٹے ہوئے سفینوں سے
ترے خیال کی بارش میں بھیگنے کے لئے
ترس رہے ہیں اسیران دل مہینوں سے
سمجھ نہ پائیں گے یہ زاہدان سادہ دل
دلوں میں آگ بھڑکتی ہے آبگینوں سے
شکست جام مقدر کو ماننے والے
شراب کوئی ہو بنتی ہے وہ پسینوں سے
بجھے چراغ ستاروں کے دل لرز اٹھے
نگار صبح اترنے لگی ہے زینوں سے
انہیں سنبھالنے میں عمر کٹ گئی ہے فہیمؔ
ہماری سیپیاں کچھ کم نہیں نگینوں سے