मुझे तो यूँ भी इसी राह से गुज़रना था
दिल-ए-तबाह का कुछ तो इलाज करना था
मिरी नवा से तिरी नींद भी सुलग उठती
ज़रा सा इस में शरारों का रंग भरना था
सुलगती रेत पे यादों के नक़्श क्यूँ छोड़े
तुझे भी गहरे समुंदर में जब उतरना था
मिला न मुझ को किसी से ख़िराज अश्कों में
हवा के हाथों मुझे और कुछ बिखरना था
उसी पे दाग़ हज़ीमत के लग गए देखो
यक़ीं की आग से जिस शक्ल को निखरना था
मैं खंडरों में उसे ढूँडता फिरा 'फ़िक्री'
मगर कहाँ था वो आसेब जिस से डरना था
mujhe to yuuñ bhī isī raah se guzarnā thā
dil-e-tabāh kā kuchh to ilaaj karnā thā
mirī navā se tirī niind bhī sulag uThtī
zarā sā is meñ sharāroñ kā rañg bharnā thā
sulagtī ret pe yādoñ ke naqsh kyuuñ chhoḌe
tujhe bhī gahre samundar meñ jab utarnā thā
milā na mujh ko kisī se ḳhirāj ashkoñ meñ
havā ke hāthoñ mujhe aur kuchh bikharnā thā
usī pe daaġh hazīmat ke lag ga.e dekho
yaqīñ kī aag se jis shakl ko nikharnā thā
maiñ khañDaroñ meñ use DhūñDtā phirā 'fikrī'
magar kahāñ thā vo aaseb jis se Darnā thā
مجھے تو یوں بھی اسی راہ سے گزرنا تھا
دل تباہ کا کچھ تو علاج کرنا تھا
مری نوا سے تری نیند بھی سلگ اٹھتی
ذرا سا اس میں شراروں کا رنگ بھرنا تھا
سلگتی ریت پہ یادوں کے نقش کیوں چھوڑے
تجھے بھی گہرے سمندر میں جب اترنا تھا
ملا نہ مجھ کو کسی سے خراج اشکوں میں
ہوا کے ہاتھوں مجھے اور کچھ بکھرنا تھا
اسی پہ داغ ہزیمت کے لگ گئے دیکھو
یقیں کی آگ سے جس شکل کو نکھرنا تھا
میں کھنڈروں میں اسے ڈھونڈتا پھرا فکریؔ
مگر کہاں تھا وہ آسیب جس سے ڈرنا تھا