मुझ को ये फ़िक्र कब है कि साया कहाँ गया
सूरज को रो रहा हूँ ख़ुदाया कहाँ गया
फिर आइने में ख़ून दिखाई दिया मुझे
आँखों में आ गया तो छुपाया कहाँ गया
आवाज़ दे रहा था कोई मुझ को ख़्वाब में
लेकिन ख़बर नहीं कि बुलाया कहाँ गया
कितने चराग़ घर में जलाए गए न पूछ
घर आप जल गया है जलाया कहाँ गया
ये भी ख़बर नहीं है कि हमराह कौन है
पूछा कहाँ गया है बताया कहाँ गया
वो भी बदल गया है मुझे छोड़ने के बाद
मुझ से भी अपने आप में आया कहाँ गया
तुझ को गँवा दिया है मगर अपने आप को
बर्बाद कर दिया है गँवाया कहाँ गया
mujh ko ye fikr kab hai ki saaya kahāñ gayā
sūraj ko ro rahā huuñ ḳhudāyā kahāñ gayā
phir aa.ine meñ ḳhuun dikhā.ī diyā mujhe
āñkhoñ meñ aa gayā to chhupāyā kahāñ gayā
āvāz de rahā thā koī mujh ko ḳhvāb meñ
lekin ḳhabar nahīñ ki bulāyā kahāñ gayā
kitne charāġh ghar meñ jalā.e ga.e na pūchh
ghar aap jal gayā hai jalāyā kahāñ gayā
ye bhī ḳhabar nahīñ hai ki hamrāh kaun hai
pūchhā kahāñ gayā hai batāyā kahāñ gayā
vo bhī badal gayā hai mujhe chhoḌne ke baad
mujh se bhī apne aap meñ aayā kahāñ gayā
tujh ko gañvā diyā hai magar apne aap ko
barbād kar diyā hai gañvāyā kahāñ gayā
مجھ کو یہ فکر کب ہے کہ سایہ کہاں گیا
سورج کو رو رہا ہوں خدایا کہاں گیا
پھر آئنے میں خون دکھائی دیا مجھے
آنکھوں میں آ گیا تو چھپایا کہاں گیا
آواز دے رہا تھا کوئی مجھ کو خواب میں
لیکن خبر نہیں کہ بلایا کہاں گیا
کتنے چراغ گھر میں جلائے گئے نہ پوچھ
گھر آپ جل گیا ہے جلایا کہاں گیا
یہ بھی خبر نہیں ہے کہ ہم راہ کون ہے
پوچھا کہاں گیا ہے بتایا کہاں گیا
وہ بھی بدل گیا ہے مجھے چھوڑنے کے بعد
مجھ سے بھی اپنے آپ میں آیا کہاں گیا
تجھ کو گنوا دیا ہے مگر اپنے آپ کو
برباد کر دیا ہے گنوایا کہاں گیا