मुझ को उतार हर्फ़ में जान-ए-ग़ज़ल बना मुझे
मेरी ही बात मुझ से कर मेरा कहा सुना मुझे
रख़्श-ए-अबद-ख़िराम की थमती नहीं हैं बिजलियाँ
सुब्ह-ए-अज़ल-निज़ाद से करना है मशवरा मुझे
लौह-ए-जहाँ से पेशतर लिक्खा था क्या नसीब में
कैसी थी मेरी ज़िंदगी कुछ तो चले पता मुझे
कैसे हों ख़्वाब आँख में कैसा ख़याल दिल में हो
ख़ुद ही हर एक बात का करना था फ़ैसला मुझे
छोटे से इक सवाल में दिन ही गुज़र गया मिरा
तू है कि अब नहीं है तू बस ये ज़रा बता मुझे
कैसे गुज़रना है मुझे उस पुल-सिरात-ए-वक़्त से
वैसे तो दे गए सभी जाते हुए दुआ मुझे
मेरा सफ़र मिरा ही था उठते किसी के क्या क़दम
अपने लिए था खोजना अपना ही नक़्श-ए-पा मुझे
लगता है चल रही हूँ मैं रूह-ए-तमाम की तरफ़
जैसी थी इब्तिदा मुझे वैसी है इंतिहा मुझे
mujh ko utaar harf meñ jān-e-ġhazal banā mujhe
merī hī baat mujh se kar merā kahā sunā mujhe
raḳhsh-e-abad-ḳhirām kī thamtī nahīñ haiñ bijliyāñ
sub.h-e-azal-nizhād se karnā hai mashvara mujhe
lauh-e-jahāñ se peshtar likkhā thā kyā nasīb meñ
kaisī thī merī zindagī kuchh to chale pata mujhe
kaise hoñ ḳhvāb aañkh meñ kaisā ḳhayāl dil meñ ho
ḳhud hī har ek baat kā karnā thā faisla mujhe
chhoTe se ik savāl meñ din hī guzar gayā mirā
tū hai ki ab nahīñ hai tū bas ye zarā batā mujhe
kaise guzarnā hai mujhe us pul-sirāt-e-vaqt se
vaise to de ga.e sabhī jaate hue duā mujhe
merā safar mirā hī thā uThte kisī ke kyā qadam
apne liye thā khojnā apnā hī naqsh-e-pā mujhe
lagtā hai chal rahī huuñ maiñ rūh-e-tamām kī taraf
jaisī thī ibtidā mujhe vaisī hai intihā mujhe
مجھ کو اتار حرف میں جان غزل بنا مجھے
میری ہی بات مجھ سے کر میرا کہا سنا مجھے
رخش ابد خرام کی تھمتی نہیں ہیں بجلیاں
صبح ازل نژاد سے کرنا ہے مشورہ مجھے
لوح جہاں سے پیشتر لکھا تھا کیا نصیب میں
کیسی تھی میری زندگی کچھ تو چلے پتہ مجھے
کیسے ہوں خواب آنکھ میں کیسا خیال دل میں ہو
خود ہی ہر ایک بات کا کرنا تھا فیصلہ مجھے
چھوٹے سے اک سوال میں دن ہی گزر گیا مرا
تو ہے کہ اب نہیں ہے تو بس یہ ذرا بتا مجھے
کیسے گزرنا ہے مجھے اس پل صراط وقت سے
ویسے تو دے گئے سبھی جاتے ہوئے دعا مجھے
میرا سفر مرا ہی تھا اٹھتے کسی کے کیا قدم
اپنے لیے تھا کھوجنا اپنا ہی نقش پا مجھے
لگتا ہے چل رہی ہوں میں روح تمام کی طرف
جیسی تھی ابتدا مجھے ویسی ہے انتہا مجھے