मिरे आँसुओं पे नज़र न कर मिरा शिकवा सुन के ख़फ़ा न हो
उसे ज़िंदगी का भी हक़ नहीं जिसे दर्द-ए-इश्क़ मिला न हो
ये इनायतें ये नवाज़िशें मिरे दर्द-ए-दिल की दवा नहीं
मुझे उस नज़र की तलाश है जो अदा-शनास-ए-वफ़ा न हो
तुझे क्या बताऊँ मैं बे-ख़बर कि है दर्द-ए-इश्क़ में क्या असर
ये है वो लतीफ़ सी कैफ़ियत जो ज़बाँ तक आए अदा न हो
ये शराब ज़ेर-ए-हसीं-घटा जो है 'कैफ़' नाज़िश-ए-मै-कदा
किसी तिश्ना-काम की आरज़ू किसी तिश्ना-लब की दुआ न हो
mire āñsuoñ pe nazar na kar mirā shikva sun ke ḳhafā na ho
use zindagī kā bhī haq nahīñ jise dard-e-ishq milā na ho
ye ināyateñ ye navāzisheñ mire dard-e-dil kī davā nahīñ
mujhe us nazar kī talāsh hai jo adā-shanās-e-vafā na ho
tujhe kyā batā.ūñ maiñ be-ḳhabar ki hai dard-e-ishq meñ kyā asar
ye hai vo latīf sī kaifiyat jo zabāñ tak aa.e adā na ho
ye sharāb zer-e-hasīñ-ghaTā jo hai 'kaif' nāzish-e-mai-kada
kisī tishna-kām kī aarzū kisī tishna-lab kī duā na ho
مرے آنسوؤں پہ نظر نہ کر مرا شکوہ سن کے خفا نہ ہو
اسے زندگی کا بھی حق نہیں جسے درد عشق ملا نہ ہو
یہ عنایتیں یہ نوازشیں مرے درد دل کی دوا نہیں
مجھے اس نظر کی تلاش ہے جو ادا شناس وفا نہ ہو
تجھے کیا بتاؤں میں بے خبر کہ ہے درد عشق میں کیا اثر
یہ ہے وہ لطیف سی کیفیت جو زباں تک آئے ادا نہ ہو
یہ شراب زیر حسیں گھٹا جو ہے کیفؔ نازش میکدہ
کسی تشنہ کام کی آرزو کسی تشنہ لب کی دعا نہ ہو