मिरे आँगन में पीली धूप जब दीवार से उतरी
अंधेरे की सियह चादर न जाने और क्यों फैली
जलाया ख़्वाहिशों ने रात की तन्हाई में मुझ को
बहुत ही दूर थी पर लज़्ज़तों की नर्म-रौ नद्दी
हवा का हाथ भी अब जिस्म तेरा गुदगुदाएगा
न सो ऐसी रुतों में खोल कर यूँ रात को खिड़की
ये बूढ़ा पेड़ बेचारा ख़मोशी को तरसता है
सदा रहती है इस पे गूँजती चहकार चिड़ियों की
तिरा रंगीन पैकर घूमता है आँख में जैसे
थिरकती डोलती शाख़ों पे उड़ती शोख़ सी तितली
किसी करवट न चैन आया न आई नींद ही मुझ को
बड़ी ग़मनाक ग़म-अंगेज़ कल की रात थी 'फ़िक्री'
mire āñgan meñ piilī dhuup jab dīvār se utrī
añdhere kī siyah chādar na jaane aur kyoñ phailī
jalāyā ḳhvāhishoñ ne raat kī tanhā.ī meñ mujh ko
bahut hī duur thī par lazzatoñ kī narm-rau naddī
havā kā haath bhī ab jism terā gudgudā.egā
na so aisī rutoñ meñ khol kar yuuñ raat ko khiḌkī
ye būḌhā peḌ bechāra ḳhamoshī ko tarastā hai
sadā rahtī hai is pe gūñjtī chahkār chiḌiyoñ kī
tirā rangīn paikar ghūmtā hai aañkh meñ jaise
thiraktī Doltī shāḳhoñ pe uḌtī shoḳh sī titlī
kisī karvaT na chain aaya na aa.ī niiñd hī mujh ko
baḌī ġhamnāk ġham-angez kal kī raat thī 'fikrī'
مرے آنگن میں پیلی دھوپ جب دیوار سے اتری
اندھیرے کی سیہ چادر نہ جانے اور کیوں پھیلی
جلایا خواہشوں نے رات کی تنہائی میں مجھ کو
بہت ہی دور تھی پر لذتوں کی نرم رو ندی
ہوا کا ہاتھ بھی اب جسم تیرا گدگدائے گا
نہ سو ایسی رتوں میں کھول کر یوں رات کو کھڑکی
یہ بوڑھا پیڑ بیچارہ خموشی کو ترستا ہے
سدا رہتی ہے اس پہ گونجتی چہکار چڑیوں کی
ترا رنگین پیکر گھومتا ہے آنکھ میں جیسے
تھرکتی ڈولتی شاخوں پہ اڑتی شوخ سی تتلی
کسی کروٹ نہ چین آیا نہ آئی نیند ہی مجھ کو
بڑی غم ناک غم انگیز کل کی رات تھی فکریؔ