मिरा प्यारा है ना-फ़रमाँ हमेशा और प्यारों में
नहीं देखा किसू ने लाला-रू ऐसा हज़ारों में
अपस उश्शाक़ कूँ पहचानते हैं ख़ूब ख़ुश-चश्माँ
'अजब मर्दुम-शनासी है नराइन के इशारों में
तिरी ज़ुल्फ़ाँ के पेच-ओ-ताब की ता'रीफ़ कूँ सुन कर
गया पाताल को बासुक ख़जालत खींच मारों में
बसे हैं शौक़ सूँ जा कर गुलों में रात कूँ शायद
कि आती है गुल-अंदामाँ के बासी बास हारों में
डरे क्यूँ शेर-दिल-आशिक़ रक़ीबाँ के बिदकने सूँ
कोई बावर नहीं करता शुजा'अत इन चकारों में
दराज़ी जब दिया यल्दाँ को तेरी ज़ुल्फ़ लम्बी ने
बुराई तब लगी करने को हर शब बैठ तारों में
अपस कूँ ख़ाक कर गुलज़ार होना है अगर तुझ कूँ
नहीं आया नज़र में सब्ज़ा-ख़ार ऊपर बहारों में
बिला गर्दां हुए गर देख कर आहू अचम्भा नईं
कि होवे मह्व-ए-नरगिस तेरी अँखियाँ के नज़ारों में
परी-रूयान-ए-गुलशन सूँ ले आई सीम-ओ-ज़र नर्गिस
नज़र-बाज़ाँ बजा गिनते हैं उस कूँ मालदारों में
न कह सीमाब के मानिंद मेरे दिल कूँ ऐ चंचल
तिरा बेताब है मुम्ताज़ सारे बे-क़रारों में
निकलना माह-रू के दाम से दुश्वार है याराँ
रहा है 'मुबतला' का दिल उलझ ज़ुल्फ़ाँ के तारों में
mirā pyārā hai nā-farmāñ hamesha aur pyāroñ meñ
nahīñ dekhā kisū ne lāla-rū aisā hazāroñ meñ
apas ushshāq kuuñ pahchānte haiñ ḳhuub ḳhush-chashmāñ
'ajab mardum-shanāsī hai narā.in ke ishāroñ meñ
tirī zulfāñ ke pech-o-tāb kī tā'rīf kuuñ sun kar
gayā pātāl ko bāsuk ḳhajālat khīñch māroñ meñ
base haiñ shauq suuñ jā kar guloñ meñ raat kuuñ shāyad
ki aatī hai gul-andāmāñ ke baasī baas hāroñ meñ
Dare kyuuñ sher-dil-āshiq raqībāñ ke bidakne suuñ
koī bāvar nahīñ kartā shujā'at in chakāroñ meñ
darāzī jab diyā yaldāñ ko terī zulf lambī ne
burā.ī tab lagī karne ko har shab baiTh tāroñ meñ
apas kuuñ ḳhaak kar gulzār honā hai agar tujh kuuñ
nahīñ aayā nazar meñ sabza-ḳhār uupar bahāroñ meñ
bilā gardāñ hue gar dekh kar aahū achambhā na.iiñ
ki hove mahv-e-nargis terī añkhiyāñ ke nazāroñ meñ
parī-rūyān-e-gulshan suuñ le aa.ī sīm-o-zar nargis
nazar-bāzāñ bajā ginte haiñ us kuuñ māldāroñ meñ
na kah sīmāb ke mānind mere dil kuuñ ai chanchal
tirā betāb hai mumtāz saare be-qarāroñ meñ
nikalnā māh-rū ke daam se dushvār hai yārāñ
rahā hai 'mubtalā' kā dil ulajh zulfāñ ke tāroñ meñ
مرا پیارا ہے نا فرماں ہمیشہ اور پیاروں میں
نہیں دیکھا کسو نے لالہ رو ایسا ہزاروں میں
اپس عشاق کوں پہچانتے ہیں خوب خوش چشماں
عجب مردم شناسی ہے نرائن کے اشاروں میں
تری زلفاں کے پیچ و تاب کی تعریف کوں سن کر
گیا پاتال کو باسک خجالت کھینچ ماروں میں
بسے ہیں شوق سوں جا کر گلوں میں رات کوں شاید
کہ آتی ہے گل انداماں کے باسی باس ہاروں میں
ڈرے کیوں شیر دل عاشق رقیباں کے بدکنے سوں
کوئی باور نہیں کرتا شجاعت ان چکاروں میں
درازی جب دیا بلداں کو تیری زلف لمبی نے
برائی تب لگی کرنے کو ہر شب بیٹھ تاروں میں
اپس کوں خاک کر گلزار ہونا ہے اگر تجھ کوں
نہیں آیا نظر میں سبزہ خار اوپر بہاروں میں
بلا گرداں ہوئے گر دیکھ کر آہو اچنبھا نئیں
کہ ہووے محو نرگس تیری انکھیاں کے نظاروں میں
پری رویان گلشن سوں لے آئی سیم و زر نرگس
نظر بازاں بجا گنتے ہیں اوس کوں مالداروں میں
نہ کہہ سیماب کے مانند میرے دل کوں اے چنچل
ترا بیتاب ہے ممتاز سارے بے قراروں میں
نکلنا ماہ رو کے دام سے دشوار ہے یاراں
رہا ہے مبتلاؔ کا دل الجھ زلفاں کے تاروں میں