मिल न पाए कहीं तो हैरत क्या
तुम समुंदर हुए न हम दरिया
मौज-दर-मौज है यही चर्चा
कश्तियों से मिला है क्यों दरिया
उम्र भर का हिसाब था उन से
चंद लम्हों में पूछते क्या क्या
मेरे घर का चराग़ बुझते ही
चढ़ गया कितना भाव सूरज का
तिश्ना-लब हूँ कोई फ़क़ीर नहीं
मत हिक़ारत से देख ऐ दरिया
पूछ बैठे जो क्या दिया तू ने
ज़िंदगी का उतर गया चेहरा
सब की दुनिया तबाह करते हो
तुम भी क्या हो गए हो अमरीका
मुद्दतों से तलाश में हूँ 'फहीम'
खो गया है कहाँ मिरा चेहरा
mil na paa.e kahīñ to hairat kyā
tum samundar hue na ham dariyā
mauj-dar-mauj hai yahī charchā
kashtiyoñ se milā hai kyoñ dariyā
umr bhar kā hisāb thā un se
chand lamhoñ meñ pūchhte kyā kyā
mere ghar kā charāġh bujhte hī
chaḌh gayā kitnā bhaav sūraj kā
tishna-lab huuñ koī faqīr nahīñ
mat hiqārat se dekh ai dariyā
pūchh baiThe jo kyā diyā tū ne
zindagī kā utar gayā chehra
sab kī duniyā tabāh karte ho
tum bhī kyā ho ga.e ho amrīkā
muddatoñ se talāsh meñ huuñ 'fahīm'
kho gayā hai kahāñ mirā chehra
مل نہ پائے کہیں تو حیرت کیا
تم سمندر ہوئے نہ ہم دریا
موج در موج ہے یہی چرچا
کشتیوں سے ملا ہے کیوں دریا
عمر بھر کا حساب تھا ان سے
چند لمحوں میں پوچھتے کیا کیا
میرے گھر کا چراغ بجھتے ہی
چڑھ گیا کتنا بھاؤ سورج کا
تشنہ لب ہوں کوئی فقیر نہیں
مت حقارت سے دیکھ اے دریا
پوچھ بیٹھے جو کیا دیا تو نے
زندگی کا اتر گیا چہرہ
سب کی دنیا تباہ کرتے ہو
تم بھی کیا ہو گئے ہو امریکہ
مدتوں سے تلاش میں ہوں فہیمؔ
کھو گیا ہے کہاں مرا چہرہ