मंज़िल नहीं सफ़र में जुनून-ए-सफ़र मिले
ना-मो'तबर ख़ुशी है ग़म-ए-मो'तबर मिले
हम ने तो यूँ किसी पे भरोसा नहीं किया
फिर भी कोई मिला तो बहुत टूट कर मिले
दुनिया में इश्क़ ही से मिली दौलत-ए-हयात
और इश्क़ ही से फ़ित्ना-ए-शाम-ओ-सहर मिले
बचपन शबाब और ज़ईफ़ी के तीन पल
लम्हे जो ज़िंदगी को मिले मुख़्तसर मिले
उस आदमी को क़िस्सा-ए-रंग-ए-हिना से क्या
जो अपने ख़ूँ में डूबा हुआ सर-बसर मिले
ये दिल की आरज़ू है कि मेरी जबीन-ए-शौक़
ख़ूँ से वुज़ू करे जो तिरा संग-ए-दर मिले
हर पल है ज़िंदगी से परेशान आदमी
फिर भी ये आरज़ू है कि बार-ए-दिगर मिले
पेश-ए-ख़ता ये सोचना ऐसा न हो कहीं
इक लम्हे की ख़ता की सज़ा उम्र भर मिले
तूफ़ान-ए-बहर से कोई शिकवा नहीं 'फहीम'
हम को तो अपनी नाव के अंदर भँवर मिले
manzil nahīñ safar meñ junūn-e-safar mile
nā-mo'tabar ḳhushī hai ġham-e-mo'tabar mile
ham ne to yuuñ kisī pe bharosā nahīñ kiyā
phir bhī koī milā to bahut TuuT kar mile
duniyā meñ ishq hī se milī daulat-e-hayāt
aur ishq hī se fitna-e-shām-o-sahar mile
bachpan shabāb aur za.īfī ke tiin pal
lamhe jo zindagī ko mile muḳhtasar mile
us aadmī ko qissa-e-rang-e-hinā se kyā
jo apne ḳhuuñ meñ Duubā huā sar-basar mile
ye dil kī aarzū hai ki merī jabīn-e-shauq
ḳhuuñ se vuzū kare jo tirā sang-e-dar mile
har pal hai zindagī se pareshān aadmī
phir bhī ye aarzū hai ki bār-e-digar mile
pesh-e-ḳhatā ye sochnā aisā na ho kahīñ
ik lamhe kī ḳhatā kī sazā umr bhar mile
tūfān-e-bahr se koī shikva nahīñ 'fahīm'
ham ko to apnī naav ke andar bhañvar mile
منزل نہیں سفر میں جنون سفر ملے
نا معتبر خوشی ہے غم معتبر ملے
ہم نے تو یوں کسی پہ بھروسا نہیں کیا
پھر بھی کوئی ملا تو بہت ٹوٹ کر ملے
دنیا میں عشق ہی سے ملی دولت حیات
اور عشق ہی سے فتنۂ شام و سحر ملے
بچپن شباب اور ضعیفی کے تین پل
لمحے جو زندگی کو ملے مختصر ملے
اس آدمی کو قصۂ رنگ حنا سے کیا
جو اپنے خوں میں ڈوبا ہوا سربسر ملے
یہ دل کی آرزو ہے کہ میری جبین شوق
خوں سے وضو کرے جو ترا سنگ در ملے
ہر پل ہے زندگی سے پریشان آدمی
پھر بھی یہ آرزو ہے کہ بار دگر ملے
پیش خطا یہ سوچنا ایسا نہ ہو کہیں
اک لمحے کی خطا کی سزا عمر بھر ملے
طوفان بحر سے کوئی شکوہ نہیں فہیمؔ
ہم کو تو اپنی ناؤ کے اندر بھنور ملے