मैं मुसाफ़िर सबा की राहों का
बोझ उठाए हुए गुनाहों का
रूह का ज़ख़्म एक तीखी याद
नक़्श भूली हुई निगाहों का
शाम से सुब्ह तक पिघलती रात
सिलसिला बे सदा कराहों का
काले तख़्तों पे सर पटकता दिन
एक मा'मूल दर्स-गाहों का
ज़िंदगी तो शराब-ख़ाने की
नूर चेहरे पे ख़ानक़ाहों का
एक नश्शा हवस की आँखों में
इक तमाशा बरहना बाँहों का
नर्म नर्म उँगलियाँ हवाओं की
खुरदुरा जिस्म शाह-राहों का
तर्ज़-ए-इज़हार का अनोखा-पन
एक अंदाज़ कज-कुलाहों का
मो'तबर शहर शहर में 'क़ैसर'
सच ख़रीदे हुए गवाहों का
maiñ musāfir sabā kī rāhoñ kā
bojh uThā.e hue gunāhoñ kā
ruuh kā zaḳhm ek tīkhī yaad
naqsh bhūlī huī nigāhoñ kā
shaam se sub.h tak pighaltī raat
silsila be sadā karāhoñ kā
kaale taḳhtoñ pe sar paTaktā din
ek mā'mūl dars-gāhoñ kā
zindagī to sharāb-ḳhāne kī
nuur chehre pe ḳhānqāhoñ kā
ek nashsha havas kī āñkhoñ meñ
ik tamāsha barahna bāñhoñ kā
narm narm uñgliyāñ havāoñ kī
khurdurā jism shāh-rāhoñ kā
tarz-e-iz.hār kā anokhā-pan
ek andāz kaj-kulāhoñ kā
mo'tabar shahr shahr meñ 'qaisar'
sach ḳharīde hue gavāhoñ kā
میں مسافر صبا کی راہوں کا
بوجھ اٹھائے ہوئے گناہوں کا
روح کا زخم ایک تیکھی یاد
نقش بھولی ہوئی نگاہوں کا
شام سے صبح تک پگھلتی رات
سلسلہ بے سدا کراہوں کا
کالے تختوں پہ سر پٹکتا دن
ایک معمول درس گاہوں کا
زندگی تو شراب خانے کی
نور چہرے پہ خانقاہوں کا
ایک نشہ ہوس کی آنکھوں میں
اک تماشہ برہنہ بانہوں کا
نرم نرم انگلیاں ہواؤں کی
کھردرا جسم شاہراہوں کا
طرز اظہار کا انوکھا پن
ایک انداز کج کلاہوں کا
معتبر شہر شہر میں قیصرؔ
سچ خریدے ہوئے گواہوں کا