क्या पता क्या था उधर और क्या न था
क़द मिरा दीवार से ऊँचा न था
ज़ेहन मुर्दा जिस्म बे-हिस बे-लिबास
मैं ने वो देखा है जो देखा न था
भागता फिरता हूँ अपने-आप से
ऐसा भी होगा कभी सोचा न था
मल्गजे बिगड़े से चेहरे हर तरफ़
ज़िंदगी पहले तुझे देखा न था
मसअले कुछ लिख गया दीवार पर
एक दीवाना जो दीवाना न था
उस की लाखों में यही पहचान थी
क़ब्र पर उस की कोई कतबा न था
जिस ने जो माँगा उसे वो दे दिया
ऐ ख़ुदा क्या मैं तिरा बंदा न था
kyā pata kyā thā udhar aur kyā na thā
qad mirā dīvār se ūñchā na thā
zehn murda jism be-his be-libās
maiñ ne vo dekhā hai jo dekhā na thā
bhāgtā phirtā huuñ apne-āp se
aisā bhī hogā kabhī sochā na thā
malgaje bigḌe se chehre har taraf
zindagī pahle tujhe dekhā na thā
mas.ale kuchh likh gayā dīvār par
ek dīvāna jo dīvāna na thā
us kī lākhoñ meñ yahī pahchān thī
qabr par us kī koī katba na thā
jis ne jo māñgā use vo de diyā
ai ḳhudā kyā maiñ tirā banda na thā
کیا پتہ کیا تھا ادھر اور کیا نہ تھا
قد مرا دیوار سے اونچا نہ تھا
ذہن مردہ جسم بے حس بے لباس
میں نے وہ دیکھا ہے جو دیکھا نہ تھا
بھاگتا پھرتا ہوں اپنے آپ سے
ایسا بھی ہوگا کبھی سوچا نہ تھا
ملگجے بگڑے سے چہرے ہر طرف
زندگی پہلے تجھے دیکھا نہ تھا
مسئلے کچھ لکھ گیا دیوار پر
ایک دیوانہ جو دیوانہ نہ تھا
اس کی لاکھوں میں یہی پہچان تھی
قبر پر اس کی کوئی کتبہ نہ تھا
جس نے جو مانگا اسے وہ دے دیا
اے خدا کیا میں ترا بندہ نہ تھا