क्या क्या हैं गिले उस को बता क्यूँ नहीं देता
ताज़ीर-ए-ख़ता मुझ को सुना क्यूँ नहीं देता
हैं नावक-ए-दिल-दोज़ मिरे यार के तेवर
इक बार वो सब तीर चला क्यूँ नहीं देता
यक-तरफ़ा मोहब्बत के तज़ब्ज़ुब से तो निकलूँ
इस राज़ से पर्दा वो हटा क्यूँ नहीं देता
लिखता भी है मुझ को सर-ए-क़िरतास-ए-मोहब्बत
मज़्मूम जो लगता हूँ मिटा क्यूँ नहीं देता
इतना ही फ़सुर्दा है अगर हाल पे मेरे
जल्वा कभी अपना वो दिखा क्यूँ नहीं देता
सर-गर्म-ए-सफ़र हूँ मैं तिरे दश्त में कब से
मुझ को मिरी मंज़िल का पता क्यूँ नहीं देता
ख़्वाबीदा-नसीबी भी तो तेरी ही अता है
सोई मिरी तक़दीर जगा क्यूँ नहीं देता
जो ताब-ए-तमाशा ही नहीं उस में 'रज़ा' तू
वो आतिश-ए-फ़ुर्क़त को बुझा क्यूँ नहीं देता
kyā kyā haiñ gile us ko batā kyuuñ nahīñ detā
ta.azīr-e-ḳhatā mujh ko sunā kyuuñ nahīñ detā
haiñ nāvak-e-dil-doz mire yaar ke tevar
ik baar vo sab tiir chalā kyuuñ nahīñ detā
yak-tarfa mohabbat ke tazabzub se to niklūñ
is raaz se parda vo haTā kyuuñ nahīñ detā
likhtā bhī hai mujh ko sar-e-qirtās-e-mohabbat
mazmūm jo lagtā huuñ miTā kyuuñ nahīñ detā
itnā hī fasurda hai agar haal pe mere
jalva kabhī apnā vo dikhā kyuuñ nahīñ detā
sar-garm-e-safar huuñ maiñ tire dasht meñ kab se
mujh ko mirī manzil kā patā kyuuñ nahīñ detā
ḳhvābīda-nasībī bhī to terī hī atā hai
soī mirī taqdīr jagā kyuuñ nahīñ detā
jo tāb-e-tamāshā hī nahīñ us meñ 'razā' tū
vo ātish-e-furqat ko bujhā kyuuñ nahīñ detā
کیا کیا ہیں گلے اس کو بتا کیوں نہیں دیتا
تعزیر خطا مجھ کو سنا کیوں نہیں دیتا
ہیں ناوک دل دوز مرے یار کے تیور
اک بار وہ سب تیر چلا کیوں نہیں دیتا
یک طرفہ محبت کے تذبذب سے تو نکلوں
اس راز سے پردہ وہ ہٹا کیوں نہیں دیتا
لکھتا بھی ہے مجھ کو سر قرطاس محبت
مذموم جو لگتا ہوں مٹا کیوں نہیں دیتا
اتنا ہی فسردہ ہے اگر حال پہ میرے
جلوہ کبھی اپنا وہ دکھا کیوں نہیں دیتا
سر گرم سفر ہوں میں ترے دشت میں کب سے
مجھ کو مری منزل کا پتا کیوں نہیں دیتا
خوابیدہ نصیبی بھی تو تیری ہی عطا ہے
سوئی مری تقدیر جگا کیوں نہیں دیتا
جو تاب تماشا ہی نہیں اس میں رضاؔ تو
وہ آتش فرقت کو بجھا کیوں نہیں دیتا