क्या कोई तस्वीर बन सकती है सूरत के बग़ैर
फिर किसी से क्यूँ मिले कोई ज़रूरत के बग़ैर
दुश्मनी तो चाहने की इंतिहा का नाम है
ये कहानी भी अधूरी है मोहब्बत के बग़ैर
तेरी यादें हो गईं जैसे मुक़द्दस आयतें
चैन आता ही नहीं दिल को तिलावत के बग़ैर
धूप की हर साँस गिनते शाम तक जो आ गए
छाँव में वो क्या जिएँ जीने की आदत के बग़ैर
बच गया दामन अगर मेरे लहू के दाग़ से
वो मिरा क़ातिल तो मर जाएगा शोहरत के बग़ैर
उस की सरदारी से अब इंकार करना चाहिए
रौशनी देता नहीं सूरज सियासत के बग़ैर
हुस्न की दूकान हो कि इश्क़ का बाज़ार हो
याँ कोई सौदा नहीं है दिल की दौलत के बग़ैर
शबनमी चेहरा छुपाऊँ कैसे बच्चों से 'फहीम'
शाम आती ही नहीं घर में तहारत के बग़ैर
kyā koī tasvīr ban saktī hai sūrat ke baġhair
phir kisī se kyuuñ mile koī zarūrat ke baġhair
dushmanī to chāhne kī intihā kā naam hai
ye kahānī bhī adhūrī hai mohabbat ke baġhair
terī yādeñ ho ga.iiñ jaise muqaddas āyateñ
chain aatā hī nahīñ dil ko tilāvat ke baġhair
dhuup kī har saañs ginte shaam tak jo aa ga.e
chhāñv meñ vo kyā ji.eñ jiine kī aadat ke baġhair
bach gayā dāman agar mere lahū ke daaġh se
vo mirā qātil to mar jā.egā shohrat ke baġhair
us kī sardārī se ab inkār karnā chāhiye
raushnī detā nahīñ sūraj siyāsat ke baġhair
husn kī dūkān ho ki ishq kā bāzār ho
yaañ koī saudā nahīñ hai dil kī daulat ke baġhair
shabnamī chehra chhupā.ūñ kaise bachchoñ se 'fahīm'
shaam aatī hī nahīñ ghar meñ tahārat ke baġhair
کیا کوئی تصویر بن سکتی ہے صورت کے بغیر
پھر کسی سے کیوں ملے کوئی ضرورت کے بغیر
دشمنی تو چاہنے کی انتہا کا نام ہے
یہ کہانی بھی ادھوری ہے محبت کے بغیر
تیری یادیں ہو گئیں جیسے مقدس آیتیں
چین آتا ہی نہیں دل کو تلاوت کے بغیر
دھوپ کی ہر سانس گنتے شام تک جو آ گئے
چھاؤں میں وہ کیا جئیں جینے کی عادت کے بغیر
بچ گیا دامن اگر میرے لہو کے داغ سے
وہ مرا قاتل تو مر جائے گا شہرت کے بغیر
اس کی سرداری سے اب انکار کرنا چاہیے
روشنی دیتا نہیں سورج سیاست کے بغیر
حسن کی دوکان ہو کہ عشق کا بازار ہو
یاں کوئی سودا نہیں ہے دل کی دولت کے بغیر
شبنمی چہرہ چھپاؤں کیسے بچوں سے فہیمؔ
شام آتی ہی نہیں گھر میں طہارت کے بغیر